يا ام العلاء انا عايزة اتكلم معاكى بس مش عارفة الاقيكى امتى ؟عموما بصى يا سيتى انا حكتب واول ماتشوفى كلامى ردى وانا حشوفه على طول وارد عليكى
دلوقتى بالنسبه لكيك البان تى سبانيا معلوماتك عنه اية؟؟؟؟انا معلوماتى عن كلمة بانتى سبانيا ان هو الكيك اللى بيتعمل بالسمنة والبيض فى مكوناته وعند تقطيعه لازم بيكون متقطع سمبوكسات يعنى مثلا الانجليش كيك والاسبونج كيك لا يطلق عليهم بان تى سبانيا لكن معلوماتى من زمان زى ما قلتلك حتى دايما لما تيجى تسئلى الحلوانى يقولك كيك البان تى سبانيا دة كيك ستات البيوت مش كيك محلات .
علشان كدة انا كنت عايزة اسئلك هل معلوماتى غلط ؟ وعايزاكى انتى بقى تقوليلى الكيكة اللى انتى عيزاها حاجة تانية ؟؟؟؟واهى كويس المناقشة حتفيد البنات مستنية ردك واتبعى ردى لانى حستمر معاكى على الخط على طول يا ام العلاء
18-11-1426 هـ, 08:04 مساءً
 
حبيبة قلبي دندون
معلوماتك عن الكيك صح و أيضا لا يكون هش مثل الكيكة الإسفنجية لأني لا أحب الكيك الهش و في نفس الوقت مو مكتومة و مكوناته هي نفس مكونات الكيك العادي مع أختلاف المقادير طبعا
و أمي الحبيبة كانت تسويه لنا و نحنا صغار و لكن طبعا بدون مقادير و كانت تخلطه بيديها و ما عادت تسويه منذ سنوات طويلة
18-11-1426 هـ, 09:47 مساءً
 
اهلا ام العلاء كنت مستنياكى يا حبيبتى كدة صح مابتبقاش نفشة زى الاسفنجى لانها لاتعتمد على الضرب المستمر بالعجان اللى بيخلى الكيك يبقى هاشش ولان به سمنة وبيتخفف بالحليب علشان مايبقاش مكتوم كدة تمام اتفقنا يا ام العلاء وحاضر حكتبهالك
18-11-1426 هـ, 10:12 مساءً
 
ما انحرمش منك حبيبتي يا غالية
لأنها فعلا كيكتي المفضلة
18-11-1426 هـ, 10:32 مساءً
 
صينية البفتيك بالكريمة

نص كيلو بفتيك
كوب مشروم
بصلة متوسطة
عدد 2 بطاطس شرائح بالعرض
5 معالق كريمة لبانى او قشدة الخفق
ملح وفلفل
معلقة زبدة
الطريقة
اذاكان البفتيك بتلو
نتبل البفتيك بالملح والفلفل والبهارات
نسيح الزبدة بس ونشوح فيها البفتيك لحد ما لونه يتغير بس
بعد ما نقشر البطاطس ونقطعها شرائح رفيعة بالعرض
نشوح البطاطس مكان البفتيك ثم نضع فى طبق فرن
شرائح البطالطس تغطى قاع الصينية
ثم نضع البفتيك بجانب بعض فوق البطاطس
نشوح البصلة والمشروم فى نفس المقلاية مكان البفتيك
لحد ما يصفروا ثم نضع الكريمة ونقلب لحد ما يختلطوا ببعض
ثم نصبهم على وش الصينية وندخلها فرن متوسط مش
عالى لحد ما يستوى البفتيك والصينية كلها حتندمج مع بعض
وطعمها جميل وبالهنا والشفا
اما اذا كان الفتيك كندوز صغير
يبقى تضربيه الاول و بعد ما تشوحية فى الزبدة
تخلية يستوى نص سوى الاول وتكملى الصينية عادى
بنفس الطريقة[/align]
18-11-1426 هـ, 11:09 مساءً
 


الساعة الآن 06:24 .