الشعيرية بالسكر

كيس شعيرية (او نص كيلو)
3 معالق كبيرة سكر
4 معالق كبيرة سمنة او ممكن زيت زرة
2 معلقة كبيرة سكر ناعم
فصين حبهان( وممكن الاستغناء عنهم)
الطريقة
كسرى الشعيرية قطع صغيرة
نضع السمنة او الزيت فى مقلاية لحد ما يسخن
ونضع فيها الشعيرية ونحمرها لحد ما لونها يبقى بنى فاتح
ثم ضعى ماء عليها والسكر ووطى النار عليها
حتلاقيها استوت على طول خليها لحد ما الماء ينشف كله
يبقى مفيهاش ماء خالص
ضعيها فى طبق ورشى على وشها سكر بودرة
وبالهنا والشفا

بتبقى جميلة وخفيفة اولا يا ايرا تنفع صيامى
وثانيا جميله لشادن والياسمينات والاطفال
ثالثا ممكن تجيبى من السوبر ماركت كيس شعيرية
فلاحى بتبقى تخينة شوية وتعمليها بنفس الطريقة
وبتبقى رائعة
25-11-1426 هـ, 12:46 صباحاً
 
كباب الفقراء

علبة فول مدمس
2 معلقة كبيرة طحينة
نص حزمة كسبرة خضراء
2 معلقة كبيرة سمنة (او نباتى)
بصله متوسطة
ملح - كمون
فص ثوم
قطعة فحم
الطريقة
افرمى الكسبرة ناعم
ابشرى البصلة ناعم
ولعى الفحمة لحد ماتحمر
سخنى الفول كويس وضعية فى الطبق
وضعى علية السمنة و البصل والثوم والكسبرة
والطحينة والملح والكمون واخلطيهم كويس
اعملى حفرة فى نص الطبق وضعى الفحمة المولعة
وغطى الطبق بسرعة حوالى 5 دقايق
ثم شيلى الغطاء وشيلى الفحمة وقدمية مع الخبز المقمر
( الناشف _ المحمص)وبالهنا والشفا
25-11-1426 هـ, 01:17 صباحاً
 
بمسى عليكم كلكم واتمنى تكونوا بصحه جيده
ومستنين الفته بقى
25-11-1426 هـ, 01:44 صباحاً
 
حبيبة قلبي دندون
تسلم إيديكي على الوصفات الهايلة دي
على فكرة أنا باطبع وصفاتك حتى من قبل أن أقرأها و بعدين آخذ الوصفة أقرأها و أنا باشرب كوب الشاي يعني باقرأها بمزاج

و تسلمين حبيبتي على ردك بالنسبة للكيك
لكن أنا فعلا سويت سطحها قبل ما أدخلها الفرن و كانت وهي في الفرن بترتفع بمستوى واحد ثم بدأت تعلى من المنتصف عندما بدأت تقرب تستوي

بالنسبة لطريقة ورق الفويل هل هذا يمنعها من التفتح أكثر أم ماذا
25-11-1426 هـ, 01:53 صباحاً
 
يا جماعه عملت المكرونه امبارح
وانا بصراحه حطيتها في الفرن بس لسه مدقوتهاش بس ايمان انا برغم من اني اقعدت احركها كتير بس المكرونه برضه كان فيها حتت ايه رايك بتبقه كده وبعدين حمرتها من فوق بس معملتش الطبقه الي زي الكريمه كده حاسه انها مقرمشه العزيزة بتبقه زي الباشميل الحلو ايه رايك يا دون وايمان والي عارف انا عكيت في ايه بالظبط؟؟؟
25-11-1426 هـ, 10:17 صباحاً
 


الساعة الآن 03:52 .