مساء الخير عليكم جميعا
الاخت enna
السمك الهامور هو السمك الوقار هنا عندنا وفعلا بيكون جميل اوي في البانيه وكمان جربيه مقلي بالدقيق بعد تتبيله طبعا وتحمريه في زيت مع ارز احمر بيكون تحفه
اما انواع السمك :عند البلطي البحري احلي من النيلي طبعا وممكن تشويه او تقليه زي الصوره كده .وفي السمك البوري طبعا وده ممكن مشوي زي الصوره برضو او تعمليه سنجاري بالبصل والخضره والطماطم .وسمك اللوت وده بيكون تحفه في الصينيه او في المقلي بانيه وسمك دنيس وده حلاوته مشوي بالزيت والليمون او بالرده وسمك البربوني وده يشبه السلطان ابراهيم عندكم .....اكمل والا كفايه كداااا
01-12-1426 هـ, 12:19 صباحاً
 
اما السمك المشوي ازاي تخليه متبل حلو هقولك علي سر وكله بثوابه (هاهاهاها)
بصي ياستي بعد ماتشوي السمك عموما بالرده تكوني محضره كيس نايلون (شنطه بلاستيك من بتوع السوبر ماركت )وكل سمكه تشويها تحطيها في الكيس وترشيها ملح وكمون وتروحي لفه الكيس تقفليه يعني وهكذا لحد ماتنهي السمك كله شوي وده طبعا لانه النايلون بيخلي السمك يعرق وبالتالي الميه دي تطري السمك ويفضل محتفظ بسخونته وكمان وده الاهم انه يتقشر بسهوله وقت الغداء ولو اتفضل عندك سمك ممكن يتسخن تاني يوم علي بخار ماء او تلفيه بالفويل وفتحطيه في الفرن او التوسترودي احسن طريقه عشان السمك يتبل كويس لكن محلات السمك بعد الشوي بيكونوا محضرين ماء وملح وشطه وكمون ويضعوها علي السمك بمجرد خوجه من الفرن وانا مش بحبز الطريقه دي وده عن خبره جربي طريقتي وهتعرفي الفرق ....واي استفسار انا في الخدمه
01-12-1426 هـ, 12:29 صباحاً
 
مساء الفل على كل حبايبى انا اسفة علشان مشغوله جدا والله وبكرة حرد عليكم لان الان الساعة 4 صباحا ولسة حدخل اعمل فراخ بانية واعمل صينية مكرونة علشان ابنى مسافر الساعة 5 صباحا يعنى بعد ساعة وحياخدهم معاة والصبح للاسف عندى تنضيف ( حجربها واقولك يا اينا ان كانت كويسة ولا لأ) وحدخلكم على بكرة العصر بس حنزل دلوقتى لاينا اصابع البقلاوة لحسن كانت مستنياهم من بدرى بوسة كبيرة لكلللللللللل حبايب الصفحة
01-12-1426 هـ, 04:48 صباحاً
 












01-12-1426 هـ, 04:48 صباحاً
 











01-12-1426 هـ, 04:59 صباحاً
 


الساعة الآن 11:36 .