ازيكم جميعا بنتوتة بنتوتة
دندونة سؤال في السريع انتي عارفاني
طريقة الزبادي في البيت لاني كل ما اعملة يطلع طري اوي زي المية
معلش سؤال غبي شوية بس اعمل ايه مانتي الخبيرة بقى
02-12-1426 هـ, 03:33 مساءً
 
ازيك يا ميرو يا جميلة، اسمحيلي ارد عليكي على ما دندون توصل

دون كانت نزلت طريقة الزبادي في رمضان و طريقته انك تدفي كيلو لبن و تضيفي له و هو فاتر علبة زبادي جاهزة و تقلبي كويس و بعدين صبيه في كوبايات و حطيها في صينية و ولعي الفرن حوالي خمس دقايق لحد ما يدفي كويس و بعدين اطفيه و بعدين دخلي الصينية، و بعد حوالي 4 ساعات طلعيه و حطيه في التلاجة. انا طول رمضان كنت باعمله بالطريقة و دايما كان بيظبط بس تعرفي لو كنت افتح عليه الاقيه لسه سايل شوية، كنت اطلعه و اولع الفرن تاني فترة اطول شوية و بعدين اطفي و ادخل الزبادي و كان بيظبط. جربي كده و ان شاء الله يظبط معاكي

هاه يا دندون؟؟؟ وراكي ..........؟؟؟!!!!!!!
02-12-1426 هـ, 03:54 مساءً
 
تصدقي بالله يا امولة انتي كنتي في بالي وانا بسال دون وكنت عارفة انك اللي هتردي عليا
ميرسي يا قمر هجرب واقولك
02-12-1426 هـ, 03:59 مساءً
 
القلوب عند بعضها يا ميرو يا جميلة، و يا رب يطلع حلو و يعجب شدونة حبيبة قلبي
02-12-1426 هـ, 04:27 مساءً
 
شكر خاص لأيمان (مدام وائل)
والله يا ايمان كلك زوق وتعبتى نفسك ومش عارفة اقولك اية غير الف شكر وجزاكى الله كل خير وكل عام وانتى بالف خير


02-12-1426 هـ, 05:22 مساءً
 


الساعة الآن 08:45 .