صلصة الليمون
3/4 كوب زيت زيتون او زيت زرة
معلقة كبيرة خل
2 معلقة كبيرة عصير ليمون
معلقة صغيرة مستردة
بشر ليمونة
ملح وفلفل
الطريقة
اخلطى كل المقادير مع بعض
وبعدين حطيهم فى زجاجة ورجيهم كويس
قوى علشان يتخلطوا لحين الاستخدام
وبالهنا والشفا
16-10-1426 هـ, 07:25 مساءً
 
الحمد الله علي السلامة يا دون
16-10-1426 هـ, 07:26 مساءً
 

كبدة بالدقة
1/2كيلو كبدة بتلو
1/2 راس ثوم مهروس
3 معالق زيت
عصير ليمون
معلقة كبيرة بقدونس مفروم
ملح وفلفل و كمون
الطريقة
تغسل الكبدة كويس بالماء والخل
وتشطف بالماء وتقطع شرائح رقيقة
ندهن مقلاية بالزيت ونشوح فيها الكبدة كويس
على نار عالية لحد ما تستوى ونشيلها من على النار
نخلط كل مقادير الدقة اللى عندنا مع بعض
الثوم والبقدونس و عصير الليمون والملح والفلفل
والكمون ونضعهم على الكبدة اول ما تنزل من على النار
ونقلبهم كويس لحد ما الدقة تتخلط كويس بالكبدة ونقدمها
ساخنة وبالهنا والشفا
16-10-1426 هـ, 07:37 مساءً
 
اهلا بيكى يا غيداء ازيك يا حبيبتى؟؟ الله يسلمك يارب

ازيك يا ايمان (مدام وائل ) فينك من زمان مابنتيش من رمضان صح ؟
عامله اية فى حياتك الزوجية الجديدة ؟ اظن دلوقتى اتمكنتى اكتر وبقيتى اد مسؤليات الزواج؟ ربنا معاكى
16-10-1426 هـ, 07:50 مساءً
 

تر****ت السمك بالبطاطس
4 بطاطسات متوسطة ومقشرة ومقطعة حلقات
4 تر****ت سمك
4 طماطمات مقطعة حلقات
بصلة مقشرة ومقطعة حلقات
فلفلة رومى مقطعة حلقات
2 معلقة صلصة كبيرة
ملح وفلفل
الطريقة
اغلى ماء على النار وحطى فية ملح وضعى البطاطس
لمدة 10 دقائق تقريبا
شيلى البطاطس من الماء بس ماترميش الماء
فى طبق فرن او صينية رصصى البطاطس ورصصى
فوقها البصل ورصصى فوقه الفلفل ورصصى فوقه الطماطم
واخيرا ترصصى فوقهم تر****ت السمك
دوبى الصلصة فى كوبايتين من ماء سلق البطاطس
وصبيها على الصينية مع الملح والفلفل غطى الصينية
بورقة فويل ودخليها الفرن بس يكون حامى تقريبا حوالى
نص ساعة لحد ما تستوى
وبالهنا والشفا
16-10-1426 هـ, 08:23 مساءً
 


الساعة الآن 10:24 .