بالنسبة لسؤالك يا نودى
انا الشوى بستخدم التتبيلة الاتية
سواء لحمة او دجاج او شيش مثلا للفرخة الواحدة او كيلو اللحمة عدد 1 كوب زبادى مع بصلة متوسطة مبشورة ناعم جدا مع طمطماية مبشورة ناعم وملح وفلفل وخل ...............الزبادى والخل بيخلوا اللحمة او الفراخ طرية وتستوى بسرعة وياريت لو تتبليها من بليل او من الصبح بدرى بالنسبة للطماطم قبل لما تنغزيها فى السيخ تشيلى منها الجزء اللى فية البزر اللى بيبقى طرى وداخله ماء ولكن تسيبى اللحم اللى بجانب القشرة ولما تنغزيها تنغزيها من ضهرها مش من عند اللحم علشان من عند اللحم بتاع الطمطاية مع الحرارة بتستوى وتطرى الطماطم وتقع لكن من ورا من عند الجلدة بتاعة الطماطم بتفضل ماسكة فى السيخ ما بتقعش
وبالنسبة لحرق البصل والفلفل والطماطم ممكن يحصل لما تكون اللحمة كندوز لانها بتاخد وقت لكن الضانى والبتلو بتستوى بسرعة والخضار مش حيلحق يتحرق

إعلان

او اللى حيتحرق هى القشرة الخارجية لكن من الداخل بتبقى مشوية وجميلة
جربى كدة وقوليلى وانا معاكى لحد العيد ولو عندك اى سؤال انا معاكى يا نودى





gameelll
يا دوندون
انا فعلا باحبك جداااااااااا
اللهم اجعل القراءن ربيع صدورنا و يسر لي حفظه
اللهم ارزقني الاخلاص في القول و العمل
جومنجي بتقولك( اكا اه اه)
ده اللي طالعالنا فيه حاليا
ميرسي يا حبيب قلبي و ربنا ميحرمنا منك ابدااااااااااااااااااا
اللهم اجعل القراءن ربيع صدورنا و يسر لي حفظه
اللهم ارزقني الاخلاص في القول و العمل
كل سنة و جنا طيبة يا رونا و عقبال 100 سنة


الساعة الآن 08:36 .