اقتباس مشاركة  (don)
بالنسبة لسؤالك يا نودى
انا الشوى بستخدم التتبيلة الاتية
سواء لحمة او دجاج او شيش مثلا للفرخة الواحدة او كيلو اللحمة عدد 1 كوب زبادى مع بصلة متوسطة مبشورة ناعم جدا مع طمطماية مبشورة ناعم وملح وفلفل وخل ...............الزبادى والخل بيخلوا اللحمة او الفراخ طرية وتستوى بسرعة وياريت لو تتبليها من بليل او من الصبح بدرى بالنسبة للطماطم قبل لما تنغزيها فى السيخ تشيلى منها الجزء اللى فية البزر اللى بيبقى طرى وداخله ماء ولكن تسيبى اللحم اللى بجانب القشرة ولما تنغزيها تنغزيها من ضهرها مش من عند اللحم علشان من عند اللحم بتاع الطمطاية مع الحرارة بتستوى وتطرى الطماطم وتقع لكن من ورا من عند الجلدة بتاعة الطماطم بتفضل ماسكة فى السيخ ما بتقعش
وبالنسبة لحرق البصل والفلفل والطماطم ممكن يحصل لما تكون اللحمة كندوز لانها بتاخد وقت لكن الضانى والبتلو بتستوى بسرعة والخضار مش حيلحق يتحرق او اللى حيتحرق هى القشرة الخارجية لكن من الداخل بتبقى مشوية وجميلة
جربى كدة وقوليلى وانا معاكى لحد العيد ولو عندك اى سؤال انا معاكى يا نودى

يا صباح الفل يا زئردة و يا مسلمة و كل سنة و انتم طيبين و بصحة و سعادة

هو ده رد دون عليا في التتبيلة يا رشروشة، بس انا ضربت البصل و الطماطم بعصير البرتقال بدل المية و ضفت ملح و فلفل اسود و بهارات مشكلة و كمان سماق طبعا الى جانب الزبادي و الخل و كانت تتبيلة روعة الحمد لله
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

الاخت العزيزةhindrad اهلا بيكى وكل عام وانتى بخير يارب والله انا اسفة جدا جدا مشفتش النداء بتاعك لانى للاسف مش بدخل هنا كتير او كل كام يوم ومش على طول انا اكتر حاجة بدخلها الحلويات والاطباق الساخنة وطبعا اطباق عالم حواء اللى بكتب فيها يوميا فى الملف فمعلش حقك عليا وانا اللى قالتلى على طلبك اليوم هى حبيبتى اماريج كتبتلى فى الملف عن طلبك وانا تحت امرك يا حبيبتى
انا شايفة ان اوركيديا ربنا يكرمها رديت عليكى كدة خلاص ولا انزلك نوع مالح بعمله بالبطاطس المسلوقة ؟؟ولا اكتبلك نوع مالح بيبقى بالجبنة ؟؟ولا الباتون سالية اللى بيبقى بالكمون اللى يعجبك انا تحت امرك واكتبهولك على طول وانا حتابع الصفحة هنا لحد ما اشوف ردك





يا صباح الخير على زئردة ومسلمة وحشتونى والله وكل البنات وحشونى وطبعا ام ياسمين وموتى وسمسمة اجازة المهم
بالنسبة لتتبيلة الريش اهى نودى جزاها الله كل خير نزلتها وتبقى ممتازة ماتخافيش بس اهم حاجة برضة ماتسبيهاش اقل من ساعتين فى التتبيلة
وبالنسبة للبفتيك انا بعملة يا اما فيلية بالبصل او بانية او بيكاتا او بصوص المشروم او بالصلصة البنى او بحشية لحمة مفرومة معصجة او خضار سوتية دة اللى فى دماغى حاليا لو عايزة حاجة من دول اكتبهالك وطبعا مع اختلاف التتبيلات





وبالنسبة للكفتة المشوية انا مبعملهاش بالحمة حمراء لأ بتكون فيها نسبة دسم او ببشر معاها حتتة لية صغيرة مع الملح والفلفل والبهارات وماء عصير بصل وليس بصل يعنى باخد من البصلة البشر بتاعها ماء خالص بالمبشرة العين الضيقة خالص وبعدين اصبعها واخرمها من النص بايد المعلقة الخشب علشان الفتحة تبقى واسعة وحظك حلو انى عملتها امبارح وصورتها برضة





الكفتة المشوية















الساعة الآن 10:18 .