شكرا للاخت العزيزة don على كلماتك القيقة والرد على سؤالي واسف لازعاجك
البسكت الذي اقصده هو بسكت الشلي المالح الي يجي مربع الشكل ومكوماته الدقيق والمادة الدهنية زيت او سمنة وبكنك باودر وناشادر وحليب وعادة لا يوجد فيه منكهات ولا اعرف كمية القادير ويكون هش جدا واشكرك مرة اخرى
14-12-1426 هـ, 02:59 مساءً
 
تسلم ايديكى يا دون على الكفته
يا ريت لو مش هتعبك تكتبيلى طريقه البيكاتا و البفتيك بصوص المشروم و مشكوووورة مقدما
14-12-1426 هـ, 05:51 مساءً
 
انا احكيلكم قصه الفطير
اول يوم العيد كنت عند دون وعزمت علينا بفطير تحفففففففففففففه المهم قولى المقادير يا دون تقولى مكتوبه ..........بليز يا دون
حشرت لى الفطيره فى بقى وخرجتنى .........طردتنى يعنى
المهم

قولت احرجها بقى


دون اكتبى الفطير هنا تحت تهديد السلاح
14-12-1426 هـ, 07:34 مساءً
 
طلبك يا مسلمة

البيكاتا بالمشروم
شرائح بفتيك بتلو (العدد حسب ماانتى عاوزة) - ملح - فلفل – عصير ليمونة – ملعقة كبيرة زبدة_ علبة مشروم صغيرة مقطعة قطع صغيرة - 2 علبة كريمة لباني الحجم الصغير- 3 بصلات كبار مقطعين صعير
الطريقة:
يتبل شرائح البفتيك بالملح والفلفل و عصيرالليمون ثم نضع الذبدة في صينية يا ريت لو تيفال على النار و لما تسيح نضع اللحمة و نحمرها على نار هاديةمع التقليب باستمرار من الناحيتين لحد ما الوشين يتحمروا . ثم اشيلهم من الصينية فى طبق و بعدين احط البصل فى الصينية مكان اللحمة اللى شيلتها و اقلبه لحد ما يدبل ( يعنى تحسى انه بقى طرى ) و بعدين تروحى حطة المشروم المقطع مع البصل و تقلبيهم لحد برضة اما تحسى ان المشروم دبل . و بعدين تروحى حطة الكريمة اللبانى على البصل والمشروم فيغلي لحد ماتلاحظى ان الكريمة اللبانى تخنت شوية .( خلى بالك كل دة حياخد منك مجرد ثوانى علشان الكريمة اللبانى ما بتستناش كتير على النار ) وبعدين تروحى حطة اللحمة اللى كنتى شيلتيها على جنب فى طبق فى الصينية و يادوب تلفى اللحمة لفة فى الكريمة اللى فى الصينية و تلاحظى انها عليها كريمة من الوشين تشيليها فورا.
وبالهنا و الشفا
14-12-1426 هـ, 10:30 مساءً
 
طلبك يا مسلمة
الاستيك بالصوص و المشروم ( استيك بالصلصة البنى )
المقادير:
قطع ستيك يفضل البتلو حتبليها بالملح و الفلفل
مشروم ( عش الغراب) طازج بيبقى فى اطباق فل فى قسم الخضروات أو معلب فى قسم البقالة مقطع شرائح
علبة صغيرة كريمة طازجة ( اللبانى )
(أو )ربع كوب شوربة لحمة او مكعب ماجى لحمة و 2 معلقة كبيرة دقيق
زبدة و زيت (لتحمير الاستيك)
ملح , فلفل
الطريقة:
ضعى قطع الاستيك فى دقيق من الوجهين و نفضى الدقيق الزيادة
- سخني على النار 2ملعقة من الزيت مع2 ملعقة من الزبدة في مقلا ية لحد ما تقدح .
ضعي قطع الا ستيك و اتركيهم من غير ما تقلبيها لحد ما يتغير لونها شوية بس ما تحمريهاش يعنى حتبقى بنى فاتح تروحى بالشوكة مقلباة على الوش التانى و اتركيها برضة لحد ما تبقى بنى فاتح . استمري لحد ما تخلصى كل القطع واحدة واحدة.
- فى الزيت و الزبدة اللى حمرتى فيهم الاستيك وحيكون فية برضة زى صوص او سائل غامقة ناشف قليل ناتجة عن تحمير اللحم حنبدء في عمل الصلصة البنى وللعلم ان الخطوة دى هي سر الطبق
ضعى المشروم و حمرية حتى يتغير لونه .
- اضيفي الكريمة اللبانى و قلبي
أو ملعقتين من الدقيق مع التقليب ثم ضعى الشوربة و قلبي حتى تحصلي على سمك مثل الكريمة . او البشاميل
ضعى الاستيك فى الصوص تقليبة على الوجهين ثم يغرف فى السرفيس و نضع على جنب الطبق الصوص بالمشروم
و بالهنا و الشفا
14-12-1426 هـ, 10:32 مساءً
 


الساعة الآن 07:06 .