قرص طرية

4 كوب دقيق
زرة ملح
كوب سمنة
قطعة خميرة بيرة(قد اليوسفى الصغير)
لبن رايب او زبادى
الطريقة
نضع الملح على الدقيق
اضع السمنة واخلطهم ببعض
ادوب الخميرة بنص معلقة سكر صغيرة
فى ربع كوب ماء دافىء ثم اضعها على الدقيق
ادفى اللبن الرايب او الزبادى
ثم اعجن بيهم لحد ما العجينة تتلم وتلاقى ايديكى
بقيت نضيفة مفيهاش عجينة خالص
ابدء اعمل العجينة على هيئة كور قد التفاح الاصفر
وكل واحدة اخلصها ارصصها جنب التانية فى الطبق
بعد ما انتهى من عمل العجينة كلها كور
ابتدى ابطط بايدى كرة كرة بس بشرط
انى ابتدى من اول كرة انا كنت عملاها وحطاها فى الصينية
مش من اخر واحدة خلصتها (فاهمين قصدى ؟)
ابطط كرة كرة علشان تدى الشكل اللى فى الصورة
ممكن تتخنيها وممكن ترققيها زى ماانتى عايزة
تضعيها على صاجة الفرن الاساسية اللى بتبقى فوق النار
مش على الرف الحديد ونضعها فى فرن متوسط
لحد ماتستوى
ملحوظة مش بندهن الصاج ولا بندهن وش الفطير
وبالهنا والشفا
ملحوظة ممكن نحشية بمعلقة مربى من الداخل
14-12-1426 هـ, 10:59 مساءً
 
السلام عليكم ورحمة الله وبركاته

في السابق طلبت منك الفطير المشلتت وانت ما قصرتي علمتيني الطريقة بحذافيرها


وقلت اي حاجة انت عايزاها قولي وانا بساعدك

انا حاولت انزل كتابك الأكتروني لكن دون جدوى لم تنجح عندي الطريقة

فرأيت ان اكتب لك موضوع جديد لطلبي

وهو اني اريد طريقة عمل الهريسة(الشطة)

لو كان ممكن

ولك كل الاحترام والتقدير
14-12-1426 هـ, 11:02 مساءً
 
السلام عليكم ازيييييييكم جميعا وحشتوني قوي قوي
كنت بقضي شهر العسل ورجعتلكم علشان ابدأ انفذ وأطبخ وأطلع المواهب
بجد كلكم وحشتونى
ابله دون لو سمحتى انا عايزه وصفات متنوعه للرز مع المأكولات البحريه والفراخ واللحمه ممكن ؟؟؟؟؟
14-12-1426 هـ, 11:13 مساءً
 
معلش نسيت اشكرك يا اماريج يا حبيبتى جزاكى الله كل خير
مصرية رقيقة الف الف مبروك شيكى على الخاص
14-12-1426 هـ, 11:53 مساءً
 
اه يا دون هو صح ...........طيب

تسلم ايديك يا قمر هقراه واجى اسال عشان هعمله بكره باذن الرحمن
15-12-1426 هـ, 01:43 صباحاً
 


الساعة الآن 04:49 .