بصى يا ام الحص علشان ماتغلبيش حالك
كوب الارز بياخد كوب ماء ومعلقتين زيت
كوب الارز و 1/4 كوب شعيرية بياخد كوب وربع ماء و3 معالق زيت
...................................................................................................
الارز المفلفل
كوب ارز ابيض عادى (قصير الحبة)
كوب ماء
2 معلقة زيت
ملح
الطريقة
اغسلى الارز
ضعى الزيت فى حلة على النار لحد ما يسخن كويس
ضعى الارز على الزيت وقلبى قلبى بالمعلقة لحد ما تحسى ان
الارز كله اتبل من الزيت
تروحى حاطة الملح وتقلبى تقليبة
ثم ضعى الماء وقلبيهم وغطى الحلة لحد ما الارز خلاص قرب يشرب
الماء كله تروحى مقلباة و موطية النار على هادى خالص وممكن تضعى
تحت الحلة الشياطة او الحديدة المدورة
وماتفضليش تفتحى علية علشان البخار ما يخرجش من الحلة
يا دوب حتفتحى علية مرة وتدوقى الارز اذا لقيتية استوى خلاص اطفى
واذا لقيتية لسة فية شوية حصحصة رشرشى بس كدة بايدك على وشة وقلبية
وكل الحكاية بياخد ربع ساعة او تلت وبالهنا والشفا
16-12-1426 هـ, 07:06 مساءً
 
الارز بالشعيرية
كوب ارز ابيض عادى (قصير الحبة)
1/4 كوب شعيرية
كوب وربع ماء
3معلقة زيت
ملح
الطريقة
اغسلى الارز
ضعى الزيت فى حلة على النار لحد ما يسخن كويس
ضعى الشعيرية وقلبيها فى الزيت لحد ماتحمر ثم
ضعى الارز على الشعيرية وقلبى قلبى بالمعلقة لحد ما تحسى ان
الارز كله اتبل من الزيت
تروحى حاطة الملح وتقلبى تقليبة
ثم ضعى الماء وقلبيهم وغطى الحلة لحد ما الارز خلاص قرب يشرب
الماء كله تروحى مقلباة و موطية النار على هادى خالص وممكن تضعى
تحت الحلة الشياطة او الحديدة المدورة
وماتفضليش تفتحى علية علشان البخار ما يخرجش من الحلة
يا دوب حتفتحى علية مرة وتدوقى الارز اذا لقيتية استوى خلاص اطفى
واذا لقيتية لسة فية شوية حصحصة رشرشى بس كدة بايدك على وشة وقلبية
وكل الحكاية بياخد ربع ساعة او تلت وبالهنا والشفا
16-12-1426 هـ, 07:22 مساءً
 
على فكرة يا ام الحص فى نفس الصفحة دى بتاعة اطباق عالم حواء فية ملف انا بكتب فية انا والبنات كل يوم حتلاقية برة على الصفحة فلما تعوزى اى حاجة تعاليلنا فية حتلاقينا وحتلاقى فية كمان اكلات مصورة اسمة الملف 7
16-12-1426 هـ, 07:29 مساءً
 
اهلا يا رانيا
تسلم ايدك يا حبيبتى لو انتى بتحبى تضعى عليها الصوص يا رانيا ممكن تروحى حطاة خطوط بتبقى جميلة ومرة عملتها وكان فية ضيوف عملت عليها حلوى الماء خطوط وكنا حطة لون برتقالى وزوقتها بوحدات جزر جميلة بتتباع مع الحلويات المسكرة فى اكياس صغيرة فكأنى وانا بقدمها بقولهم دى بالجزر تسلم ايدك يا رانيا


ماشى يا مسلمة
متعمليهاش بس على فكرة مش بيبان الطعم بتاع الجبنة زى ما انتى متخيله خلاص حنزلك دلوقتى المكرونة اللى بالمستردة


صباح الورد يا منمن
ماشى يا منى بس انتى ناسية حاجة ان احنا بندخلها الفرن
وعلى فكرة يا منى مش لازم قوالب انا بعمل القوالب بس للضيوف وفية قوالب المونيوم لزيزة قوى فى السوق ورخيصة قوى يا منى لكن لما بعمل الكريم كراميل لينا للبيت بعمله فى الصينية العادية اللى بطبخ فيها ولما بقلبها بيبقى حجمها حلو وبتبقى عامله زى التورتاية وبقطعها مثلثات وبالف هنا وشفا على هنوش
16-12-1426 هـ, 07:39 مساءً
 
حااااضر حااااضر يا ايمان بقى عايزة البسكوت التانى دة اسمه !!!!!!!!!!!!!!!!عملت كأنى مش واخدة بالى حااااضر
البسكوت المالح اللى طلبتية حكتبهولك من عنيا يا ايمان
16-12-1426 هـ, 07:42 مساءً
 


الساعة الآن 04:23 .