Analysis Services
اهلا يا غيداء وحشتينى والله
MISS_CHEF يا اهلا بملكة الرقاق انا كتبتلك هناك على فكرة
المهم بالنسبة للجبنة الرومى فى منها 3 انواع قديمة وجديدة ووسط فأكيد اللى عندك قديمة قوى وبالنسبة لاننا لما بنعمل اى اكله مبيكونش فيها داخلها لحوم فبنعمل جنبها لحوم خارجية بمعنى انك لما تعملى صينية مكرونة بالجبنة مثلا تعملى جنبها فراخ مشوية او كفتة او كوردون بلو يعنى بتعملى معادلة وبرضة ساعات لما بنعمل صينية مكرونة ممكن نعمل جنبها سلطة وبطاطس محمرة وخلاص مش لازم الاعتماد على اللحوم يوميا اديكى شايفة مرة يطلعولنا فى جنون البقر ومرة انفلونزا الطيور يبقى لازم يكون عندك خلفية عن اكلات بدون لحوم وفى نفس الوقت غير روتينية علشان متزهقيش
وبعدين انا شايفة انك مدلعاهم قوى وبقوا يتأمروا عليكى يبقى تعملى زينا لما حد يتمرد على الاكل نقوله اللى عجبه ياكل واللى مش عجبة ان شاءالله ما اكل لما يجوع حياكل (جربى كدة بس لو فية اصابات انا مقلتش حاجة)
16-12-1426 هـ, 11:42 مساءً
 
ملكة الرقاق حتة وحده ........اية الهنا اللى انا فيه
ربنا يخليك يا رب

يعني ارمي الجبنة خلاص ما تنفعش جايبها من مصر كارفور قالب كبيررررررر


تعالي يا جميل ما جاوبتى على الاسئلة
بانتظار جديدك دائما ))))))))))))
17-12-1426 هـ, 12:12 صباحاً
 
مشكوره خالص يادون وانا بتعجبني اكلاتك اللي بتعمليها تسلم دياتك
17-12-1426 هـ, 12:29 صباحاً
 
MISS_CHEF بصى يا سيتى انا نزلت فى الحلويات صينية البقلاوة وتانى يوم ملحقتهاش محطوطة فى الحلويات مش عارفة هل حزفوها علشان كنت منزلاها هنا ولا اية بالظبط ؟؟؟فمن يومها وانا بقيت انزل هنا بس لكن حجرب تانى واما اشوف حتنحزف ولا لأ ؟
وبالنسبة للجبنة لا طبعا ماترميهاش حرام اوعى ممكن تضحكى عليهم وتخلطيها فى الاكله بنوع تانى يعنى مثلا لو حتحطى كوب جبنة رومى خليها نص كوب ونص الكوب التانى جبنة شيدر او جودة او اى نوع وقوليلى اية الاخبار

البسكوت باليانسون
كوب زيت
كوب سمن
8 بيضات + 2 صفار بيض
4/1 1 كيلو دقيق
2/1 1 كوب سكر بودرة
3 معالق كبيرة يانسون صحيح و محمص
1 معلقة شاى بيكنج بودر + 1/2 معلقة شاى نشادر _ فانيليا
الطريقة :
فى الخلاط نضرب الاول الزيت شوية
ثم نضع علية السمن و يضرب قليلا مع الزيت
نضع عليهم السكر و يضرب
نضيف البيض واحدة واحدة مع الفانيليا ونضربهم شوية
اضع اليانسون و اضرب شوية
اضع البيكنج بودر و النشادر على الدقيق
اضيف الدقيق للمقدار و اخلط كويس بايدى كلة مع بعضة
ادهن صينية بالزيت وابدء اعمل قطعة من العجينة على هيئة رغيف فينو
و اترك مسافة فى الصينية بين كل رغيف و رغيف
ادخلهم الفرن لحد ما يستوا فى حرارة متوسطة
اطلعهم من الفرن و ابدء فى تقطيع كل رغيف بالعرض بالسكينة على هيئة شرايح رفيعة
ارصص هذة الشرايح فى الصينية تانى و ادخلهم الفرن لحد ما يحمر وجهها و بالهنا و الشفا
17-12-1426 هـ, 12:43 صباحاً
 
تسلمى يا توتو ربنا يخليكى
17-12-1426 هـ, 01:08 صباحاً
 


الساعة الآن 07:39 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏