ساسا وشروق مين اللى جاب سيرة الريجيم دلوقتى ؟؟؟؟ ماهو سعد زغلول قال مفيش قايدة ...محدش اخد باله ساعتها انه بيتكلم علينا ..ما علينا الاكل الخفيف ارحم برضة من المسلوق
يا مدام وائل لسة ملبوخة لحد دلوقتى ؟؟؟طب الحقى خلصى اللى وراكى قبل ما ياسمين تشرف وبعدين انتى لسة بتأكليه بط؟؟؟مش خلاص فترة الجواز الاولى خلصت ؟؟؟علشان مايتعودش على كدة يا ايمااااااااان
18-10-1426 هـ, 10:38 مساءً
 

صلصة طماطم للسلطة (خفيفة)
3/4 كوب عصير طماطم
3/4 كوب خل
معلقة صغيرة بصل مبشور
ربع معلقة صغيرة مستردة
رشة بقدونس مفرى(معلقة صغيرة)
ملح وفلفل
زرة سكر
الطريقة
اخلطى كل المقادير مع بعض
وبعدين حطيهم فى زجاجة ورجيهم كويس
قوى علشان يتخلطوا لحين الاستخدام
وبالهنا والشفا
18-10-1426 هـ, 10:46 مساءً
 


كفتة البطاطس بالكريمة
2 كوب بطاطس مهروسة
بيضة كبيرة
معلقة كبيرة دقيق
2 معلقة كبيرة كريمة
معلقة كبيرة بصل مبشور
4 معالق كبيرة زيت او زبدة
الطريقة
اسلقى البطاطس وقشريها واهرسيها كويس
اخلطى البطاطس مع البيضة والدقيق والكريمة والبصل
مع بعض كويس
ثم شكلي الخليط على هيئة اقراص وحمريها فى الزيت
لحد ما لونها يصفر يبقى زهبى وطلعيها على ورق ماص
للدهون وقدميها
وبالهنا والشفا
18-10-1426 هـ, 10:55 مساءً
 
الكرشة المحشية

كيلو كرشة (ضانى) - كوب ارز - كوب لحمة مفرومة -ربع كوب سمنة
يصلة كبيرة مبشورة - ملح وفلفل وبهارات
2 معلقة كبيرة بقدونس مفروم
الطريقة
تنظف الكرشة وتقطعها ونسلقها (كما سبق شرحنا) نغسل الارز ونضع
علية البصل المبشور و اللحمة المفرومة والسمنة والملح
والفلفل والبهارات والبقدونس المفروم ونقلب كله مع
بعض كويس نخيط بالابرة والفتله كل قطعة من الكرشة من الثلاثة
جوانب ماعدا جانب واحد نحشى فية شوية من الخليط ثم نخيطه
هو كمان نضغط عليها بالشوكة
نضع فى حله ماء لحد مايغلى ثم نضع فية معلقة ملح ونص
معلقة خل ثم نضع الكرشة المحشية لحد ما
الماء يغلى تانى .نهدى النار ونتركها لحد ماتستوى
وبعدين نشيلها ونتركها لحد ماتبرد وممكن تروحى
مقطعاها حلقات وبالهنا والشفا
18-10-1426 هـ, 11:40 مساءً
 
مش عايزة اسمع صوتك خالص يا موتى سامعة ؟؟؟؟ اهو انا ملقتش ولا صورة للكرشة فأحسنلك تسكتى بدل ما احطلك الصور التانية اللى لقيتها هى كرش بدل كرشة ....
هاااااه قلتى اية ؟؟؟؟؟؟
19-10-1426 هـ, 12:52 صباحاً
 


الساعة الآن 02:23 .