صباح الورد والفل والياسمين للكل وخصوصا للغالية ست الكل دون والحلوة egypt-jasica لأنها تذكرتني ......حبيبتي دون انا عشان عيون الرجيم اعمل من الأكلات الحلوة الخفيفة وبعدين آكل الأكل العادي مع زوجي لأنه لا يحب ان يأكل وحده ...ها شو رأيك ورأي سعد زغلول ههههه
19-10-1426 هـ, 11:51 صباحاً
 
بتول صباحك جميل ومشرق بأمر الله معلش أذ كنت بنسى بس صدقينى انا بفتكركم كلكم واحده واحده يارب محدش يزعل منى لو نسيت اسمه ويخليه اكرم منى ويفتكره فى قلبه
ويارب صباحكم كلكم زى الفل
19-10-1426 هـ, 12:20 مساءً
 
صباح الفل للكل
بعد اذنك يا دون ممكن ارد على اماريج
بصى حبيبتى انا كمان مالقيتش روح جوز الهند بس كبرت فى دماغى انى اعمل السوبيا
جبت حليب جوز الهند المجفف من ماجى و خلط كوب واحد مع اللبن البودرة و السكر
و كانت راااااااااااائعة جزاك الله خيراااااااااااا يا دون جربيها و مش حتندمى مع اتباع
نصيحة دون فى التقليب الجيد
19-10-1426 هـ, 12:29 مساءً
 
صباح الخير عليكم جميعا وحشتونى جداااااااااا وبأمانه بحارب علشان DSL علشان خاطر ابقى معاكم لان النت غبيه اوى والمنتدى دايما صعب الدخول عليه
بصى يا دوندن والله موضوع لبختى فى الجواز دا باين عليه موضوع مستعصى علشان دا بانصح كل واحده عندها بنوته يعنى تقلل ارتباطها شويه بيها وباخواتها ميبقاش ارتباط شديد ذى حالتى كدا اول ما افتح عينى وقبل الفطار اكلم مامتى واخواتى وكأنهم بقالى سنه مشفتهمش ربنا يعينا جميعا
بخصوص البط بقا فلسه عندى من بط الفرح يعنى تخيلى بقاله شهرين فى الفريزر كنت باهرب منه عملت منه مرتين وفاضل 3 بطات بس نفسى اغير لانى اصللا مبحبوش اوى لكن المشكله زوجى العزيز بيحبه جداااا بس هاجرب الطرق اللى بعتيهالى
بحبكم كلكم جداااااااااااا
19-10-1426 هـ, 03:12 مساءً
 
يااااا صباح النور والياسمين علشان يبقى كله عندنا ياسمين
بتول يااابتتتتتول ....والله فكرة هايلة تاكلى الاكلات الخفيفة وبعدين تحلى بالاكلات التقيله ونعم الريجيم طب انتى عارفة يا بتول انا تأكدت دلوقتى ان سعد زغلول كان يقصدك انتى .الراجل قال الجكمة ومات قبل ما يشوف تطبيقها بعينه

ميرو ام شادن السكرة طبعا ياسيتى أخدتى وصفات تغزية للصبح على الماسنجر صح ؟؟؟ماتتكلميش بقى عايزين شادن الصبح تبقى منفوخة ملكيش حجة ..
وبلاش التقليد دة بتاعك انتى وام ياسمين طب بتوع المجاعة معندهمش اكل مالكم انتم ومالهم ولا بتعملوا نيولوك للبنات ؟؟؟؟

Amarige والله يا حبيبتى مااخزت بالى من السؤال لان انا بعدها على طول عييت ومادخلتش المهم كويس ان ساسا رديت عليكى وعن تجربه وهى واثقة فى النتيجة عليكى بقى تجربيها وتقوليلنا وحتعجبك قوى بأذن الله بس ابقى ابعتى كوباية كبيرة لساسا ماتنسيش

اية يا مدام وائل يعنى احنا مش ماليين عينك كل دة ؟؟؟؟ طب وسايبة ال3 بطات فى الفريزر لية ؟؟؟؟ماعندك ام ياسمين وميرو وبتول واAmarige وساسا (هاه بسرعة حد عايز بط ) تقسميهم عليهم بالهنا والشفا بدل ماتتعبى نفسك وتفضلى تدوريله على اكله جديدة و كفاية اللى أكله بجد ملكيش حق .يلا يا مدامات مدام وائل حتصلح غلطتها وتبعتلوكوا على الخاص البط .

ربنا يرزق كل واحدة متشوقة بالزرية الصالحة اللى تفرح بيها عينها يارب اللهم تقبل ..

(وبعد ماتخلفوهم تبعتوهم لكوسوفا ياخدوا درس مجاعة )
19-10-1426 هـ, 03:56 مساءً
 


الساعة الآن 10:46 .