لللآخت العزيزه don والله انا دخلت بالصدفه علشان كنت باادور علي مواقع للطبخ العربي وشغلت محرك البحث وفعلا لقيت مواقع كتير جدا بس بالصدفه قولت احنا عندنا في مصر مجله اسمها حواء لما أشوف الموقع ده وفعلا دخلت وقرأت شويه وانبهرت باللي مكتوب فيه من وصفات كنت باأتمني اعرفها وأتعلمها من زمان وانا باقول ان ربنا بيحبني اني وجدت هذا المنتدى الممتاز في كل شيئ وانا حاأواظب علي الدخول عليه علي طول *****الله..بس فيه طلب ان كل الوصفات الخاصه بيكي تثبت هذا أمل ورجاء مع اضافة الجديد .
شاكره ليكي جدا وتحياتي ولكل المشتركين فعلا اساتذه في فن الطبخ
بس كنت عاوزه تتبيلة ريش اللحم علي الفحم لآنه فيه فرق بين تتبيلة اللحم علي الفحم وتتبيلة الريش بالفرن كما بالوصفه المكتوبه..والا انا غلطانه.
اهلا يا احلام ..طبعا الهدية عجبتنى وجميله جدا جدا واكتر مما كنت استحق ربنا يخليكى


ليه أكتر مما تستحقي
ده انتي لو تطلبي عنينا متغلاش عليكي
جزاك الله خيرا وبارك لك في مالك وأهلك وولدك
ده احنا الي مهما عملنا منوفيش قدرك أبدا

سمك التونة المشوى
كيلو سمك تونة-نص كوب بقدونس -نص كوب كسبرة خضراء
3 فصوص ثوم مهروسين -معلقه صغيره كمون ناعم
معلقه صغيره فلفل اسود -معلقه صغيره كزبره جافة
نص كوب عصير ليمون -ربع كوب زيت زيتون- ملح
فلفلة رومى خضراء وفلفلة حمراء وفلفلة صفراء
الطريقه:
قطعى سمك التونا الى مكعبات 3 سم وتوضع في طبق كبير
ثم نضع جميع المقادير الباقيه في الخلاط لحد ماتبقى ناعمة
خالص وحنتبل بيها السمك
تخلط مكعبات التونه مع التتبيله ونسيبها فى الثلاجة من بليل
نرصص قطع السمك فى العيدان الخشب و بين كل قطعة والتانية
قطعة فلفل اخضر او احمر او اصفر وتشوى على الفحم
او فى الشوايه مع تقلبيها من الجهتين لحد ماتستوى وتحمر
وبالهنا والشفا






صينية سمك
كيلو سمك جزل
علبه لبن زبادي
2معلقة كبيرة طحينه
2 معلقة كبيرة مايونيز
معلقه صغيره مستردة
3 معالق كبيرة عصير ليمون
معلقة كبيرة ثوم مهرس
ملح وفلفل
شرائح طماطم
الطريقة
نرص جزل السمك فى صينيه مدهونه زيت
نخلط كل المقادير مع بعض
ثم نضعها فوق السمك ثم نرصص على
وش الصينية شرائح الطماطم
نغطي الصينيه بورقة فويل وبعدين
ندخلها الفرن لمدة من ربع لنص ساعة تقريبا
وبعدين نشيل الفويل علشان السمك يحمر
وبالهنا والشفا






البرقوق فى الفرن
ربع كيلو برقوق
معلقة صغيرة قرفة
2 صفار بيض
2 علبة زبادى
معلقة صغيرة عسل ابيض
نص معلقة فانيليا
معلقة صغيرة كورن فليكس مطحون
الطريقة
نقطع البرقوق كل واحدة لنصين ونشيل النواة
نرصص البرقوق فى طبق فرن ونرش علية
نص كمية القرفة
نضرب البيض والزبادى والفانيليا والعسل مع بعض
ثم نصبهم على البرقوق
نضع الطبق فى حمام مائى وندخلة فرن متوسط الحرارة
لحد مايستوى حوالى نص ساعة
ولما نطلعة من الفرن نرش علية بقية القرفة والكورن فليكس
وبالهنا والشفا







الساعة الآن 02:03 .