اقتباس مشاركة  (egypt-jasica)
السلام عليكم ورحمة الله وبركاته
مبروك الملف الجديد يادنودن وعلشان مرغيش على الفاضى
ممكن احسن طريقة لتنظيف الكرشه علشان مش لاقيه حد ينظفهالى وكمان بخاف يحطوا بطاس أو كلور فى التنظيف والميه المغلية مش بتنظفها قوى انا عايزاها ناصعة البياض ممكن احسن طريقة
بصى يا ايمان بالنسبة للكرشة لما بشتريها وبتكون سوداء تجيبى حلة وتحطى فيها ماء لحد ما تغلى وتحطى فيها شوية رابسو او ايريال ولما تغلى كويس تحطى فيها الكرشة يا دوب ثوانى ولما تطلعيها تفرديها على الرخامة وبالسكينة تفضلى تحكى تحكى وتنضفيها حتلاقيها بقيت بيضاء وتدوريها على ضهرها وتسحبى الغشاء الرفيع بالوساخة والدهن اللى بتبقى فية حيطلع فى ايدك على طول زى الفتلة تروحى ماسكة الكرشة وغسلاها كويس بالدقيق والخل وبعدين تشطفيها بالماء حتبقى بيضاء وزى الفل وبالهنا والشفا ( كل دة من الصيام برضة يا ايمان )





مبروك الملف الجديد DON
تسلمى يا رونى يا ملكة الافتكاسات
يا موتىىىىىىى نسيت اقولك تدخلى على صفحة الكتاب علشان فية اسئله كتيرة للمهندسة موتى






الكلاوى بالكارى

نص كيلو كلاوى نضيفة ومقطعة
2 بصلة كبيرة شرائح رفيعة
4 فصوص ثوم مهروس
كوب عصير طماطم
معلقة كبيرة كارى
معلقة كبيرة عصير ليمون
ملح وفلفل
الطريقة
نضع كل المقادير فى حلة
ونضع الحلة على النار لحد ما الخليط يغلى
ثم نغطيهم ونتركهم على نار هادية حوالى نص ساعة
ممكن نضع شوية شوربة او ماء صغيرين اذا حسيتى ان الكلاوى لسة
مستوتش
وبالهنا والشفا





معلش بلاقى صور بالعافية تعبر عن الاكله لو حد عنده موقع ممكن اخد منه صور يبقى كتر خيرها لو قالتلى علية







الساعة الآن 12:25 .