ملحوظة ياايرا:
ممكن تعملى حلوى الماء بالسكر والماء وتزينى التورتاية من برة
وممكن تجيبى جيلاتين نباتى وتعمليها بالجيلى
وممكن تعمليها بالمكسرات
وممكن تعمليها بالقرفة
وممكن تعمليها بجوز الهند
وممكن تعمليها بالشيكولاتة بس لازم تيصى الاول على العلبة ان ميكنش فى مكونات الكاكاو حليب
وممكن بالمربى والمكسرات
انا اديتك اهو شوية افكار ويارب تكون معلوماتى عن مواد الصيام مظبوطة






بيتزا (خفييييييفة)
عيش توست (اسمر - بر - سن )
2 طماطم
2 فلفل رومى
بصلة صغيرة
جبنه قليلة او خالية الدسم( ممكن الشرائح )
يا دوب كام زيتونة
ملح
الطريقة:
قطعى البصل والطماطم والفلفل الى قطع صغيرة جدا
ويوضع فى مقلاية تيفال على النار بدون زيت
لحد ما يدبلوا شوية
ثم نضعها على التوست ونضع الزيتون والجبنة على الوش
ثم نضعها في الفرن وبالهنا والشفا





الكاليمارى المحشى فى الفرن
كيلو كاليمارى
2 بصلة كبيرة مفرومة
رأس ثوم مفروم
2 كوب عصير طماطم
ملح- فلفل- كمون- بهارات سمك
كوب بقدونس - كوب شبت
كوب كسبرة خضراء
زيت
2 كوب أرز
الطريقة
نحمر البصلة فى الزيت لحد ما تصفر ثم نضيف الثوم ليصفر
ثم نضيف عصير الطماطم و البهارات و نتركها تتسبك
نشيل المقلاية من على النار و نضيف الشبت و البقدونس
و الكسبرة و الأرز و نخلطهم كويس ً
نحشى الكاليمارى و نضعها فى طبق فرن وعليها قليل
من عصير الطماطم نغطى الطبق بورقة فويل و نضعه
فى الفرن لحد مايستوى ويحمر الوش
وبالهنا والشفا
ملحوظة: اذا تبقى عندك من خلطة الحشو ممكن
نضعها فى طبق الفرن ثم نضع الكاليمارى فوقها





الكاليماري المحشي(المسلوق)
كيلو كاليمارى
2 بصلة كبيرة مفرومة
رأس ثوم مفروم
2 كوب عصير طماطم
ملح- فلفل- كمون- بهارات سمك
كوب بقدونس - كوب شبت
كوب كسبرة خضراء
زيت
2 كوب أرز
الطريقة
نضع كل المقادير على بعض ونخلطها كويس
و نحشى الكاليماري بس ما نملهوش قوى
نخيط الكاليماري بالخيط اونقفلة بعود خشب
نضع فى حلة ماء على النار و بصلة وملح و
فلفل و حبهان ونسيبها لحد ماتغلى الماء
ثم نضع الكاليماري في الماء لحد مايستوى
وبعدين نشيله و نصفيه ونحمره
وبالهنا والشفا





يا صباح الفل يا بنات ،،

صباح الخير يا دندونتى اية الاخبار ؟؟؟
وصباح الكاليمارى والواحد جعان ....

حلوة اوى موضوع التورتة اللى بالزيت ومن غير بيض لمرضى الكوليسترول ،،
وممكن تبقى خفيفة كمان ,,,

تسلم الاياادى يا دوندون...
ها اجربها ان شاء الله لما اخلص صيام ال6 البيض...

************MoOnty**********


الساعة الآن 09:48 .