بقولك يا احلام افتحى موضوع فى ساعدونى ليكثر له الدعاء احسن واحنا كلنا حندخلك هناك .الله يرحمه





ام الهنا اهلا اهلا انتى كنتى فين ؟؟؟؟؟؟؟ عموما انتى كمان وحشتينا وبالنسبة للمخ حاضر حنزلهالك على طول من عنيا وبالنسبة للبط خلاص حطناكى فى القايمة


يا نها ...................اخبارك اية ؟؟؟؟؟ياريت لو حد يطمنا عليها
يا ام ياسمين الشهيرة بام ابيها .......اخبار ياسمين اية ؟؟؟اخدتك مننا ربنا يخليهالك وتقوم معاكى بالواجب كمان وكمان






المخ بالزيت والليمون
مخ
3 معالق كبيرة زيت
ملعقة كبيرة فلفلة رومى مفرومة
ملح وفلفل
عصير ليمون
الطريقة
نسلق المخ ( شرحناه قبل كدة)
و بعد سلقه نشيله من ماء السلق ونتركه لحد مايبرد
نهرسه بالشوكة ونضيفله الملح والفلفل والزيت وعصير
الليمون والفلفل الرومى المفروم
وبالهنا والشفا







كفتة المخ
مخ (بتلو)
ملح وفلفل
بقسماط ناعم
3 بيضات للعجن والغطاء الخارجى
سمنة للتحمير
الطريقة
يسلق المخ ويترك يبرد ثم يفرم ويتبل بالملح والفلفل
نضرب البيض فى طبق بالشوكة
ونبتدى نضع بيض شوية شوية على المخ المفروم
وانتى بتعجنى بايدك لحد ماتحسى ان كدة البيض
مضبوط على كميه المخ وتتركى الباقى للتغطية
نضعة فى مقلاية على النار مع التحريك المستمر
لحد ماتلاقية تخن تشيلية من على النار
وتضعية على طبق وتسبيه يبرد تماما
بقطاعة او بكوب صغيرة تقطعيه على هيئة اقراص مدورة
وتغطية بالبيض والبقسماط وتحمرية فى السمنة الغزيرة
وتشيلية على ورق ماص للدهون
وبالهنا والشفا






مخ بالعجة
مخ(بتلو)
2 بيضة
بصلة مفرومة
معلقة كبيرة بقدونس مفروم
ملح وفلفل
سمنة للتحمير
الطريقة
يسلق المخ ثم يقطع شرائح (سميكة نوعا)
نخلط البيض بالبقدونس بالبصل والملح والفلفل
ونضربهم كويس قوى بالشوكة
نغمس شرائح المخ فى خليط العجة
ونحمره فى السمنة
وبالهنا والشفا







الساعة الآن 04:01 .