دندون جامده قوى البسبوسه بس قوليلى بالضبط أكتر طريقه احلى فين علشان فى فالملفات اكتر من طريقه ليكى ولأم حبيبه ولنانا ياترى جربتيهم كلهم

وميرسى قوى على اللسان والمخ تسلم الأيادى
أنا عايزه اجرب السجق فى البيت بس سمعت انهم بيفرمو الفشه مع اللحمه المفرومه صحيح يادون
الكيكة المظبوطة اللى بالميزان

للحصول على اظبط كيكة
طبعا علشان حجم الكوبايات بيختلف اثناء تنفيذ اى صنف حلو فللخروج من هذة المشكلة اثناء عمل الكيكة استخدمى الميزان و تجهزى كل المقادير على وزن البيض بمعنى انك لو حتعملى قالب كيك طويل المقاس الصغير فهو بياخد 3 بيضات يبقى توزنى ال3 بيضات وبعدين نفس الوزن سكر و نفس الوزن دقيق و ملعقة صغيرة بيكنج بودر و كيس فانيليا ووزنهم زبدة .تمام ؟
ولو الفورمة اللى مخرومة من النص يبقى توزنى الاول 5 بيضات و بعد كدة كلة نفس الوزن,,



دة وزن الزبدة ( نص كيلو مثلا )


نفس الوزن بيض (نص كيلو برضة)
وهزا وزن السكر ونفس الوزن دقيق


كدة هى جاهزة فى القوالب لدخولها الفرن مع عمل واحدة منهم بجزء من العجينة بالكاكاو



وبالهنا والشفا





استمري يا دندونة ولك الجر والثواب من عند الله لانك بتفيدي الناس وانتي متعرفيهمش يعني بتعملي الخير لله ومش لاي غرض
يكفيكي شرفا انك اصبحتي قدوة لنا في المطبخ والبيت لانك ام صالحة وست بيت تمام وقمورة وروشة طحن وعمري محسيت انك زي ماما مع ان بنتك عروسة ماشاء الله ونفسي اقولك يا ابلة دون مش عارفة لانك دندونة حبيبتي.( مع حفظ الالقاب والمكانة طبعا)
اللهم اهديلي زوجي واحفظلي ابنتي وابني ويسرلي حالي وارزقني بحلالك واغفر لي ولوالدي وبارك لي في ذريتي امين يا رب العالمين
طيب يا أبله دون هيه الكيه كده بالرضوا كانت في الوصفات القديمه اسمها ايه؟؟
وأنا ابحث عنها
هل اسمها (الكيكه المظبوطه اللي بالميزان )
البسبوسة

نص علبة جوز هند __1 و نص علبة سكر __ 2 علبة قشطة __ 3 علبة سميد بسبوسة .__ 1 علبة سمن __ 1 ملعقة صغيرةبيكنج بودر

حطى المقادير كلها على بعض و بالملعقة الخشب افضلى ادعكى فيها لحد ما تلاقيها نعمت
ادهنى صينية البسبوسة (اللى ملهاش حفة عالية اللى زى بتاعة البيتزا) بالسمن بالفرشاة
ثم ضعى المقدار فى الصينية و بلى ملعقة و امسحى و جة البسبوية عشان تساويها
و تدخليها فى الفرن
وممكن تضعى شوية لوز فى ماء ساخن لحد ما القشرة البنى بتاعتة تتقشر على طول . افتحى كل لوزة بالطول من النص و ر صصى الانصاص على وش البسبوسة او ممكن انصاص بندق برضة و دخليها الفرن اول ما لونها يبقى زهبى
طلعيها و اسقيها بالعسل الساخن و غطيها على طول و بالهنا و الشفا
كل المقدار بنفس العلبة بتاعة القشطة مش بالكوباية فاهمة قصدى اية ؟؟؟
قشطة المراعى او بوك او نستلة
ملحوظة : بعد خروج البسبوسة مباشرة من الفرن تسقى بالعسل الساخن وتتغطى على طول .وسيبى الغطاء عليها طول ما بتاكلوا منها[/quote]

أه على البسبوسه جننتني
طيب ف مليييييييييييييييييون سؤال
بس بجد ياريت تستحمليني
أولا أنا معنديش علبه جوز هند عندي كيس
ومعرفش العلبه ده شكلها ازاي أو حجمها علشان أحط من الكيس بمقدار حجم نصف العلبه؟؟

وبنفس الطريقه نصف علبه سكر غير مفهومه المقدار؟؟
طيب علبتين قشطه ياترى كام جرام العلبه؟؟
و3 علب سميد لا عندي أكياس برضوا ؟

والسمن
تقصدي علبه كااااااااااااامله ازاي؟؟؟
يعني نجيب علبه سمنه ونحطها كلها ؟؟
أكيد دماغي على قدي ممكن توضحي للعقليه الضعيفه الي قدامك وجزاك الله خيرا
أها الملعقه فهمتها
مش للدرجادي دماغي عايمه خالص بس هيه من ناحيه متفهمش متفهمش


الساعة الآن 01:30 .