يابنات بخصوص الاوزان عندي ميزان محترم جدا
http://www.alfhood.com/oazn.htm
كل واحده تقولنا أخبار وزنها ايه
؟؟
26-10-1426 هـ, 12:26 صباحاً
 
كدة يا احلام دة ميزان تجبيه ؟؟؟؟؟؟ دة زى مايكون عارفنى بالاسم وكان مستنينى
يلا كله يطلع علية وياخد له كلمتين حلوين
شكرا يا احلام دايما الحاجات اللى بتجبيهالنا من النت بتبقى جميله ما شاءالله
حاولت ابعتلك على الخاص يا احلام بس الصفحة تقيلة والكلام بيتمسح فاول ما تسرع حعيدلك تانى الرساله
26-10-1426 هـ, 02:07 صباحاً
 
اقتباس مشاركة  (أحلام عصفور)
البسبوسة

نص علبة جوز هند __1 و نص علبة سكر __ 2 علبة قشطة __ 3 علبة سميد بسبوسة .__ 1 علبة سمن __ 1 ملعقة صغيرةبيكنج بودر
حطى المقادير كلها على بعض و بالملعقة الخشب افضلى ادعكى فيها لحد ما تلاقيها نعمت
ادهنى صينية البسبوسة (اللى ملهاش حفة عالية اللى زى بتاعة البيتزا) بالسمن بالفرشاة
ثم ضعى المقدار فى الصينية و بلى ملعقة و امسحى و جة البسبوية عشان تساويها
و تدخليها فى الفرن
وممكن تضعى شوية لوز فى ماء ساخن لحد ما القشرة البنى بتاعتة تتقشر على طول . افتحى كل لوزة بالطول من النص و ر صصى الانصاص على وش البسبوسة او ممكن انصاص بندق برضة و دخليها الفرن اول ما لونها يبقى زهبى
طلعيها و اسقيها بالعسل الساخن و غطيها على طول و بالهنا و الشفا
كل المقدار بنفس العلبة بتاعة القشطة مش بالكوباية فاهمة قصدى اية ؟؟؟
قشطة المراعى او بوك او نستلة
ملحوظة : بعد خروج البسبوسة مباشرة من الفرن تسقى بالعسل الساخن وتتغطى على طول .وسيبى الغطاء عليها طول ما بتاكلوا منها
أه على البسبوسه جننتني
طيب ف مليييييييييييييييييون سؤال
بس بجد ياريت تستحمليني
أولا أنا معنديش علبه جوز هند عندي كيس
ومعرفش العلبه ده شكلها ازاي أو حجمها علشان أحط من الكيس بمقدار حجم نصف العلبه؟؟
وبنفس الطريقه نصف علبه سكر غير مفهومه المقدار؟؟
طيب علبتين قشطه ياترى كام جرام العلبه؟؟
و3 علب سميد لا عندي أكياس برضوا ؟
والسمن
تقصدي علبه كااااااااااااامله ازاي؟؟؟
يعني نجيب علبه سمنه ونحطها كلها ؟؟
أكيد دماغي على قدي ممكن توضحي للعقليه الضعيفه الي قدامك وجزاك الله خيرا
أها الملعقه فهمتها
مش للدرجادي دماغي عايمه خالص بس هيه من ناحيه متفهمش متفهمش[/quote]

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بصى يا احلام مش عيب ان الواحد يسئل لكن العيب انه يفضل مش فاهم وانا مبسوطة والله انك بتسئلى واسئلى زى ما انت عاوزة المهم تفهمى وتعمليها دة المهم انا حرد عليكى بالتفصيل الممل جدا ماشى ؟؟؟؟؟؟؟
بصى يا سيتى اولا انزلى اشترى علبيتين قشطة اى نوع عندكم نستله او المراعى او بوك الحجم الكبير من السوبر ماركت ماشى ؟؟؟؟؟
افتحى العلب ماشى ؟؟؟؟
طلعى القشطة من العلبة وحطى القشطة فى الطبق البلاستيك اللى حتعملى فية البسبوسة ماشى ؟؟؟؟
كدة بقى عندك علب القشطة فاضية صح ؟؟لاننا شيلنا منها القشطة صح؟؟؟؟؟
هاتى بقى كيس جوز الهند اللى عندك وفضى منه فى علبة القشطة الفاضية لحد ما الجوز الهند يملى نص العلبة فقط وتروحى مفضية الجوز الهند من العلبة فى الطبق البلاستيك اللى حتعملي فية البسبوسة ماشى؟؟؟؟؟؟؟
هاتى كيس السكر اللى عندك وروحى مفضيه منه فى علبة القشطة الفاضية لحد ماتملى العلبة على الاخر وبعدين تفضيها فى الطبق البلاستيك اللى حتعملى فية البسبوسة ماشى ؟؟؟؟؟؟
وتروحى منزله سكر تانى من الكيس بتاع السكر لحد ما تملى نص علبة القشطة الفاضية وبعدين تفضيها فى الطبق البلاستيك اللى حتعملى فية البسبوسة ماشى ؟؟؟؟؟؟
وبعدين تروحى جايبة علبة السمنة اللى عندكم وتروحى منزله منها سمنة فى العلبة الفاضية بتاعة القشطة لحد ما تمليها وبعدين تفضيها فى الطبق البلاستيك اللى حتعملى فية البسبوسة ماشى ؟؟؟؟؟؟
وبعدين تروحى شارية سميد بسبوسة نص كيلو مثلا وبعدين تروحى مفضية منه فى علبة القشطة الفاضية 3 مرات يعنى مرة تملى علبة وبعدين تملى كمان علبة وبعدين تملى كمان علبة وتفضيهم فى الطبق البلاستيك اللى حتعملى فية البسبوة ماشى؟؟؟؟؟؟؟
كدة تمام يا احلام بقى عندك كل المقادير فى الطبق البلاستيك تروحى عجناهم كويس قوى بالمعلقة الخشب لحد ماتبقة طرية فى ايدك
وبعدين تدهنى الصينية يادوب بحتة سمنة وتروحى منزله كل الخليط فى الصينية ماشى ؟؟؟؟؟
وبعين تساوى الوش كويس زى ما انا كاتبة وتحطى شوية لوز فى شوية ماء مغليين حتلاقى اللوز اتقشر روحى فاتحة كل لوزة نصفين ورصصيهم على وش الصينية ودخلى الصينية الفرن لحد ما تستوى ويبقى لونها زى بتاعتى اللى فى الصورة
اول ماتطلع من الفرن على طول تكونى مجهزة العسل ساخن وتسقيها كويس قوى وتغطيها لمدة ساعة وبالف هنا وشفا

لو عندك اى سؤال اسئلى يا احلام زى ما انتى عايزة وانا مستنية اعرف فهمتى ولا اى جزء من الشرح كان صعب عليكى ؟؟؟؟؟؟؟؟؟؟؟؟
26-10-1426 هـ, 02:38 صباحاً
 
صباح الفل يا دندون
انا فتحت امبارح الكتاب بتاعك و عملت منه السمك بالليمون في الفرن علي الغدا و كمان
لقمه القاضي و اول مره كنت اعملها لاني كنت خايفه تطلع طريه
طلعت تحفه و الله العظيم مقرمشه جدااا و عملت المقدار بتاعك بالظبط مع انه كان كتير بس خفت الخبط لو غيرت فيه
المهم الاتنين كانوا روعه
ربنا يكرمك يا رب
و الله انا نفسي اشوفك
باحبك جداااااااااااااااا يا دندون
26-10-1426 هـ, 03:20 صباحاً
 
صباح الفل يا دندون والبنات كلهم

عندى يوم السبت عزومة كشرىىى

وحابة اعمل معاة صنفين يليقوا معاة و يكونوا حلويين و ماشيين معاة

ممكن اقترحاتكم يا حبايبى بنات حواء و الشيف دون طبعا؟
26-10-1426 هـ, 09:17 صباحاً
 


الساعة الآن 07:32 .