السلام عليكم يا جماعه اخباركم ايه
ازيك يا دندون انتي حبيبتنا والله وسلامي لميرو ولاحلام العصافير وللجميع بلا استثناء واتمنى نتقابل على خير وتسلم ايديكي على البسبوسه
26-10-1426 هـ, 03:59 مساءً
 
ايه يا ام ياسمين هتشككينى فى نفسى ليه بس ما انا كتبت طريقة البسبوسة

هى هى نفس الطريقة العادية بس بدل كوب الزبادى احط كوب سفن اب ومش كله مرة واحدة لا حطى منه على اد ما تحسى ان العجينة بقت معقولة لا منها ناشفة ولا منها طرية

اتمنى اكون عرفت اشرح اصل انا شطورة فى العمل لكن غير شطورة بالمرة فى الشرح

دندونة ايوة احنا فى الصيام بنستعمل السمن النباتى يعنى حياتى - جنة اى حاجة

دون مردتيش عليا فى اللى سالته عن التورتة الصيامى طعم الخل بيبان فيهاولا NO
26-10-1426 هـ, 07:06 مساءً
 
وحشتونى كلكم
يا فنانات الطبــــــــــــــــــخ
متيجوا نتعرف كلنا بجد اكل دينــــــــــــــــــا جمعنا وخلانا كلنا نحب بعض
دندون...
عايزه طريقه الفراخ البانية اللى كانت فى فايل من الملخص لانه مش راضى يفتح عندى ومش عايزه اكتسف ادام مامتى وعلى فكرة قلت لها على طريقتك فى لقمه القاضى هو غير طريقتها خالص بس هاجربها عندها اخر الاسبوع ادعولى هى طلعت فى بيتى 10/10 يارب هنا كمــــــــــــان
مستنيه ردكم
26-10-1426 هـ, 10:50 مساءً
 
يا ايرا ...........no
والله انا مبسوطة انك بقيتى تدخليلنا يا اينا وبنشوفك كل يوم
احلامتى لما تعمليها قوليلى ..زى ما تكون النتيجة مش مشكله بدام اول مرة
اماريج وانتى كمان اخت عزيزة والله
حاضر يا ميرو من عنيا هو انا حغلب يعنى
مدام وائل والله يا ايمان علشان تبقى عارفة كل البنات والمدامات اللى عندنا عمله نادرة فى الوقت دة وفعلا تتعرفى عليهم وانتى مطمنة تماما لانك صعب تلاقى زيهم وزى حبهم وعشرتهم ....بس يا ميرو
حالا حنزل بس اجيب بنتى من الدرس وحكتبهالك على طول يعنى لو انتى خارجة من المنتدى حتلاقى طلبك يا حبيبتى موجود الصبح وجاهز
يا منمن يا رواء يا سمسمة يا ساسا يا ام ابيها يا zooza انتوا فين ؟
26-10-1426 هـ, 11:45 مساءً
 


شيش بالقشطة
دجاج منزوع الجلد والعظم ومقطع مكعبات
او ممكن الفرخة سليمة بس منزوعة العضم
علبة قشطة كبيرة
عصير ليمونة كبيرة
معلقة صغيرة مليانة ثوم مهروس
نص معلقة صغيرة بهارات دجاج
معلقة صغيرة سماق
ملح
زيت للقللى
الطريقة
ضعى القشطة فى طبق غويط وعليها الملح وعصير الليمون والبهارات والثوم
واخلطيهم بالمعلقة كويس
ضعى الدجاج فى الطبق مع التتبيله واخلطيهم كويس
وغطى الطبق وسيبية حوالى ساعة ( مش اقل من كدة عشان يبقى حلو )
رصصى قطع الدجاج وراء بعض فى العيدان الخشب
ضعى فى مقلاية زيت بس مش كتير يعنى يغطى قعر المقلاية بس
لحد ما يقدح وبعدين
نضع عيدان الدجاج جنب بعض فى المقلاية وكل شوية افضلى قلبيهم
علشان يستووا ويطلع كلهم لونهم دهبى حلو وما يتحرقوش
وبالهنا والشفا
لو حتستعملى الفرخة سليمة بدون عظم يبقى ممكن تمسحى صينية بالزيت
وتحطى الدجاجة وتغطيها بورقة فويل وتضعيها فى الفرن لمدة ساعة وبعدين
شيلى الغطاء وخليها لما تحمر حوالى عشر دقايق كمان
27-10-1426 هـ, 02:24 صباحاً
 


الساعة الآن 04:25 .