ام وائل انا شركت معاكي في الصحبه روحي شوفيها
28-10-1426 هـ, 03:38 مساءً
 
حبايبى واخواتى اللى بموت فيهم
أنا فتحت موضوع جديد يجمعنا كلنا وتواصى فيه بالحب بينا فى الله وكمان باعمال بسيطه نعملها حتى واحنا فى المطبخ ونكون بنستفيد دين ودينا الموضوع هو

هدفنــــــــــا ( صبحه صالحه فى ظل الرحمن)

مستنية اننا نتجمع كلنا هناك ...
ايمان
28-10-1426 هـ, 03:39 مساءً
 
مساء الخير عليكم جميعا وعلى الريجيم اللى بالسودانى واللب والله فكرة يا ام ياسمين (عملتيلى احباط اننا لايمكن حننجح وحنقاوم)لب وسودانى يا ايمان ماشى سيباكى لضميرك.
المكرونة الملونة يا ام ياسمين وميرو موجودة من زمان دى مش جديدة خالص وموجودة فى اماكن كتير دى حتى فية جمعيات بتبيعها وانتى تستعمليها عادى وتضعى عليها صلصات عادى بس انا كنت قاصدة انى محطش للاطفال صلصة علشان الالوان تزغلل عليهم وانتم تحايلوهم مثلا وتقوليلها مثلا هاة شادن حتاكل الحمراء ولا الخضراء ؟ لكن ليكم حطوا صلصة عادى
هى عامة الخضراء بيعملوها بالسبانخ والحمراء بالطماطم . وربنا يعينكم التربية مش بالساهل والله
28-10-1426 هـ, 07:24 مساءً
 
اهلا يا اينا والله دايما فكراكى وبدعيلك لكن انتى بتسئلينى على انهى اكلات يا اينا ؟؟؟والله معلش ما فاكرة فكرينى تانى معلش يا اينا


مدام وائل موضوع جميل ربنا يباركلك علية وانا حكون معاكم على طول باذن الله وان شاءالله يستمر بنفس الحماس وحكتبلك هناك دلوقتى

يعنى اقول اية يا موتى ؟؟؟؟؟؟ عرفاكى انا بتموتى فى الملفات ماشى يا موتى تسلم ايدك يا حبيبتى على الملف الحلو دة بس مقلتليش ينفع اشارك فية معاكم ؟؟؟؟؟

احلامتى حبيبتى انتى فين ؟؟؟ والله دايما لما ادخل اقعد ابص على اسمك ابقى تعالى فى ملف مدام وائل معانا علشان انتى ماشاءالله عليكى معلوماتك ممتازة وحنستفاد منك
بالنسبة للبسبوسة اعملى كوب ونص سكر مع كوب ونص ماء ونص ليمكونة
والبسبوسة حتكون فى الفرن حوالى تلت ساعة يعنى بعد ربع ساعة ماتعدى ابتدى بصى عليها لحد ماتعرفى انها استوت من لونها وبرضه انا مستنية اسئلتك كلها زى ماانتى عايزة
هبهوبتى حمدالله على السلامة
28-10-1426 هـ, 07:32 مساءً
 
أبله دون
جزاك الله خيرا يا عمري
البسبوسه طلعت أكتر من رائعه بمعنى الكلمه
بس للأسف عقبال ما روحت علشا أصورها لقيتهم قطعوها وأكلوها
سامحوني
على فكره عملت صنيتين صنيه لينا وواحده لعرسان جداد جنبنا مصرين برضوا عجبتهم لدرجه الست كلمت مما وقالتلها تحفه بجد انتوا الي عملنها بجد بجد
تسلم ايدك
28-10-1426 هـ, 11:03 مساءً
 


الساعة الآن 01:06 .