Analysis Services
وصفات كتاب
(مدراس كارى مسحوق)


(1) كسرولة السمك
كيلو سمك ستيك قطع كبيرة
2بصل اخضر
6 فصوص ثوم مهروسين
2 معلقة كبيرة كارى
فلفلة خضراء رومى مقطعة رفيع
نص كوب زيت
معلقة صغيرة ملح
2 معلقة عصير ليمون
كوب قطع خبز
الطريقة
اقلى البصل الاخضر فى الزيت لحد ما يدبل
ضيفى له الثوم والفلفلة الخضراء والكارى و الملح
وحركيهم كويس لحد ما يتخلطوا ببعض
ادهنى السمك بالليمون والملح واركنيهم على
جنب لمدة ربع ساعة
هاتى طبق فرن وافرشى فى القاع من الخليط
اللى عملناه
ثم رصصى طبقة من السمك ثم افرشى فوقه طبقة تانية
من الخليط ثم رصصى طبقة من السمك ثم طبقة
من الخليط والخبز
ضعى السمك فى فرن متوسط الحرارة لمدة 1/3
ساعة تقريبا لحد ما يستوى
وبالهنا والشفا

تعليقى: مش شرط التقيد بعدد طبقات السمك والخليط اللى هما
كتبينها يعنى ممكن على قد الكمية اللى حتعمليها
02-11-1426 هـ, 02:43 صباحاً
 
ربنا يخليكى يا دينا فتحت الرابط وحالا هسيفه ربنا يكرمك
02-11-1426 هـ, 02:44 صباحاً
 
(2) كرات اللحم المقلية ( الكفته)
نص كيلو لحمة مفرومة
2 بصلة
3 معالق جبن مبشور
2 فص ثوم مهروسين
معلقة كبيرة شبت مقطع
3 شرائح خبز
معلقة كارى
2 بيضة مضروبة
معلقة ملح
معلقة جريب فروت
الطريقة
انقعى الخبز فى عصير الجريب فروت وبعدين اعصرية
ضعى فى الكبة اللحمة المفرومة والخبز والثوم والبصل والجبنة
المبشورة والشبت والكارى والبيض والملح
اضربيهم كويس لحد ما ينعموا خالص ويتجانسوا
ادهنى كفوف ايدك بعصير الجريب فروت وشكلى المقدار على
هيئة كور صغيرة
سخنى الزيت وحمرى فية الكفته على نار معتدلة لحد ما تستوى ويبقى
لونها بنى
وبالف هنا وشفا
( تقدم الكفته مع الفتوش او الحمص)
02-11-1426 هـ, 02:50 صباحاً
 
صباح الخير يا جماعه يارب صباحنا يبقى كله خير قولوا امين

اولا يا دندون انا من غيرك حياتي سلطه وانا هعرف الكاري منين لازم تقوليلي طبعا وتسلم ايديك يا قمر عارفه نفسي في ايه كمان الكيكه بالجيلي الحقيقه بعملها الجلي مبينزلش على الكيكه كويس وممكن تبعتيلي يا قمري الكيكه الاسنفجيه المظبوطه وازاي بخلي الجلي ينزل على الكيكه بحمام الميه عندي هايل يا بتسيح يا بتسيح

ثانيا ربنا يخليكي يا ام ياسمين على انك هنتيلي بالماتش تسلمي
وسلاماتي ليكي يا مدام وائل قوي قوي
هبة نهى رانيا ام العلاء موتى نودى هبة عبد العظيم ام ابيها رواء الاسلام zooza
بتول سمسمة ام باسل مروة ام احمد رونى ايرا


اينا
02-11-1426 هـ, 10:11 صباحاً
 
سامحيني أبله دون لعدم الدخول
هنا
فانا صائمه عن الاكل نهائيا لمده لا يعلمها الا الله
والاسباب سوف احتفظ بيها لنفسي
فمبقدرش أدخل هنا وأنا نفسي فأكل ايدك
وتسلم الايادي
02-11-1426 هـ, 12:43 مساءً
 


الساعة الآن 08:28 .