جمبرى بالكارى

جمبرى مقشر ومتنظف ( وحقولك تنظيفة ازاى)_ بصلة صغيرة _ حوالى 2 ملعقة اكل ز يت _ملح _2 ملعقة كبيرة كارى و ممكن 3 لو بتحبى حراق .
الطريقة
ضعى الزيت على النار الى ان يسخن
اضع البصلة المخرطة ناعم و اقلب لحد ما تصفر
اضع الكارى ووراة الجمبرى و اقلب حيتخلطوا ببعض ثم اضع ماء حسب كمية الجمبرى يعنى تغطى الجمبرى فقط و الملح
حيغلوا وعلى فكرة حيستوى على طول الجمبرى ما بياخودش ربع ساعة
بالنسبة للارز اعملية عادى بس قبل ما يشرب الماء بتاعه حطى ملعقة كبيرة كارى
فى الما ء ( او ) ملعقة صغيرة كركم عشان يبقى لونه اصفر
فكرة للتقديم .
اما تضعى طبق الارز لوحدة و طبق الجمبرى بالكارى لوحدة . او بالكبشة المخرمة تشيلى الجمبرى من الصوص و تحطية فى قعر الطبق ثم تضعى الارز علية و تكبسى جامد بظهر اللعقة ثم تقلبية فى السرفيس و ترش رشى شوية صوص كارى على الوش و الباقى تحطية فى طبق جانبى يقدم مع سلطة ذبادى و بالهنا و الشفا

طريقة تنظيف الجمبرى
امسكى الجمبرياية فى ايدك و بالايد التانية سكينة.
ببوز السكينة الرفيع اعملى خط فى ظهر الجمبرى حتلاقى خط اسود تشيلية ترمية
دة بيكون الرمل اللى لحسة الجمبرى من الماء
و لو انتى متمكنة اعملى فتحة صغيرة فى اول الظهر و امسكى اول طرف الخط بتاع الرمل و اسحبية لفوق حيطلع معاكى على طول
04-11-1426 هـ, 03:58 صباحاً
 
enna
ok
فهمتتتتتتتتتتتتتتتتتتتتتتتتتتتتتتتتتتتتتتتتتت
ربنا يعيييينككككك
قلبى معاك


صباح الجمبرى يا دندوون
روووعة كالعادة
04-11-1426 هـ, 04:15 صباحاً
 
يا صباح النور يا اماريج ......ازيك يا حبيبتى
04-11-1426 هـ, 04:20 صباحاً
 
صباح الفل يا دندون
العزومه عدت علي خير الحمد لله
المائده:
كركديه و تمر هندي
شوربه فراخ بالكريمه و المشروم
سلطه بطاطس بالمايونيز
سلطه فاصوليا خضرا
سلطه خضرا

ارز بالخلطه
محشي فلفل
محشي كرنب
صينيه بروكلي بالباشاميل و الجبنه
كانيلوني
صينيه فراخ بالليمون في الفرن
طاجن لحمه بالبطاطس و المشروم
و الحلويات:
سينمون رولز
تشيز كيك
و شاي و قهوه و شاي اخضر و نسكافيه و مايه ساقعه

اه اه اه يااااااااااااااااني
خلاص خلصت
سلام يا بنات
04-11-1426 هـ, 06:42 صباحاً
 
يا صباح الفل والجمال

دندون ازيك
ايه بس يادينا الإغراءات والأكلات الحلوه ده تسلم الأيادى

رونا واااااااااااااااو تسلم أيديدك سفره حلوه تسلم ايديك أطعمك الله وسقاكى من طعام الجنة ياجميل
04-11-1426 هـ, 10:30 صباحاً
 


الساعة الآن 11:13 .