اللي عندها خبره بالتغذيه والهضم تدخل عندي فوبيا من الاكل

السلام عليكم
بختصر مشكلتي اللي ارقت حياتي وحاسه انها راح تعجل بموتي
انا من 3 سنوات اكلت سمبوس وبعد كم ساعه نمت
صحيت الفجر وكنه احد جالس على صدري حاولت احط اصابيعي وارجع ما قدرت
ساعتها حسيت اني راح اموت
وصرت اخاف من اي اكل واتخيل انه راح يجلس على صدري
وزاد الطين بله حملت وصرت اتوحم واستفرغ كل شي
رحت لدكتور نفسي وقال لامي علاجها مبدئيا قفلوا كل الحمامات عشان ماتروح ترجع لكن محد قدر علي
صار كأنه ادمان
وقلت لهم يمكن عشان الحمل يمكن لولدت ارجع اكل
وولدت لكن جديد ومن بعد ما كان وزني 66 صار 37
ورحت لدكتور حكومي وعطاني ادويه وتحسنت 20%
وصار ت الدكتوره كل مره ترفع الجرعه واحس انها تستهزا فيني تقول انتي فاضيه ماوريك حاجه غير تفكري
بالاكل انهضم والا لا اشغلي نفسسك قلت لها انا على طول شاغله نفسي بس مو قادره
وصارت تخوفني تقول اذا استمريتي كذا راح يصير عندك توسع وراح تستفرغي تلقائي
ولاحياة لمن تنادي
صارت اكل بس تمر وسانديش جبن وحليب بس
ومرت الايام وحذرتني من الحمل قبل لا اطيب لكن حملت
ورجعت من الصفر ومع الوحم صرت ما اكل شي بس على المغذيات
والشهر اللي فات راجعت دكتورت الحوامل
وقلت لها عن مشكلتي وكتبت لي حبوب تهضم الاكل وماتخلي الاكل فتره طويله بالمعده
مع حديد وفيتامينات وشراب الحموضه
وصار عندي اطمئنان نوعا ما وصرت اكل وانوع بالاكل واكل اشياء مسلوقه
وزاد وزني خلال 10 ايام بشكل معقول
لكن رجعت اوسوس مره ثانيه
اكل وبعد 3 ساعات احس بجوع بس ارجع اقول الحين اخاف يكبت على صدري ساعتها شنهو راح اسوي
هذا غير ان بالليل ما اكل شي تفاديا للحموضه تعرفون مع الحمل

الحين الكل يقول لي لازم دكتور نفسي مع علاج سلوكي وهذا الاهم
اهم من الادويه
سويت بحث لكن ما لقيت
ابغا وحده فاهمه تساعدني وتعطيني نوع من الاطمئنان
راح تكون خدمتني خدمة لعمر وراح اظل ادعي لها ما حييت
واسفه على الاطاله