Analysis Services
السلام عليكم ورحمة الله وبركاته كيفكم اخواتي في الله بدخل الموضوع مباشره وبدون مقدمات  من اربع سنوات دخلت مشروع مطعم طبعا شراكة مع واحد من اخواني وفشل المشروع طبعا السبب كان الموقع في محل صاد ومهوب صوب الحركه المهم سكرنا المطعم ورضينا بالمقسوم رجعت ودخلت مشروع ثاني من شهر ذوالحجه 1433طبعا بدين تكميلي من البنك من غير ديانات الصابون والسيارات و بطاقات سوى السنويه يعني مدعثه على امل ان  بيدخل علينا ربح حلو طبعا المهم لا الحين مرة سنه على مشروعي ولا الحين وهو يسحب فلوس مني ماعطاني يعني فاشل بكل المقاييس والحين تكفون راتبي صار بالسالب حاصرتني الديون ماني قادرة اسدد ديوني لان دخلي الوحيد وهو راتبي كمعلمة  صار مرهون للبنك ولشيكات بعضها بدون رصيد تكفون وش اسوي معاد اقدر افكر راسي بينفجر مالقيت حل ساعدوني يابنات والله حالتي تدهورت لدرجة الي حولي لاحظو علي اني مكتئبه دايم الحمدلله على كل حال استاهل كل الي حصل شورو علي تكفون لاتبخلو علي ساعدوني😞
11-12-1434 هـ, 10:51 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يفرج همك عليكي بالاستغفار
11-12-1434 هـ, 12:29 مساءً
 
الله يفرج همك وغمك يا ارحم الراحمين
ودي تجاوبي على هالأسئلة علشان نعرف نحل مشكلتك
هل مشروعك الى الان قائم؟ اذا كان نعم هل هو باسمك ؟
كم مر على استخراجك للقرض من البنك من سنة ؟ وعلى أي بنك راتبك ينزل عليه ؟
11-12-1434 هـ, 12:51 مساءً
 
يعطيكم العافيه على المروربالنسبه للمشروع نعم قائم ومهوب بسمي امول بس قصته قصه بالنسبه للقرض من اربع سنين بس خذت الحاقي  للمشروع الجديد والحين ماقدر اخذ قرض تصدقون كل شهر اكلمهم مع اني داريه اني ماقدر اخذ بس من الضيقه الي فيني (البنك الاهلي)
11-12-1434 هـ, 10:51 مساءً
 
اقتباس مشاركة  (همس المشاعر999)
يعطيكم العافيه على المروربالنسبه للمشروع نعم قائم ومهوب بسمي امول بس قصته قصه بالنسبه للقرض من اربع سنين بس خذت الحاقي  للمشروع الجديد والحين ماقدر اخذ قرض تصدقون كل شهر اكلمهم مع اني داريه اني ماقدر اخذ بس من الضيقه الي فيني (البنك الاهلي)
الله يكون بعونك
اوك ان كان المشروع مو باسمك فتقدرين تطلعين قرض من بنك التسليف باسم صاحبة المشروع بشرط ماتكون موظفة
البنك عندهم برنامج مسارات ادخلي موقعهم وأسالي عنه
يعطيك قرض على مشروع القائم بمبالغ حلوه
ممكن تستفيدين من هذا القرض وتسددين الديون اللي عليك
او تحصرين مجموع مديونياتك والله يعينك تطلعين قرض جامد وتبحثين عن اقل شئ كفيلين وتسددين كل اللي عليك وتوحدين هالاقساط في قسط واحد ويكون على سنوات كثيرة علشان يقل القسط
على الأقل يبقى من راتبك ولو الشئ القليل
ودواعتنا لك بالتيسير
والله الله بالدعاء والصدقة والاستغفار والتسبيح
11-12-1434 هـ, 11:22 مساءً
 


الساعة الآن 12:29 .