اقتباس مشاركة  (شـــواخي)
بنات دبي ممكن تفيدوني خل معرض الملابلازا بعده موجود ولا سكر ؟؟

سالت لج اختي
قالوا بندوه بالعيد

ان شاء الله بيفتحوه قريب عيد لاضحى

^_^
23-10-1426 هـ, 10:44 صباحاً
 
مشكورة اختي ويزاج الله ألف خير
17-11-1426 هـ, 12:30 مساءً
 
صراحه القريه السنه مرتبه وايد بس نصيحه لاتستعيلون بلشراء لانه باقيلها وايد ليماتصكر وعلى فكره هي من السنه الجايه بتكون داااااااااااااااااااائمه وعلى طول السنه أنا كل خميس أسير مع بوالعيال ونخسر فلوسنا بلالعاب ونرد تقدرون تقولن ناس مافيهاعقل


ولي عوده قريبه
17-11-1426 هـ, 01:16 مساءً
 
الحلو هالسنة في سيارات جولف داخل القرية وب25 درهم للي بيتعبوا من المشي.

والحمامات الدخول ب3 دراهم دخلت اتوضأ نضيفة وفيها محارم وحلوة ورخام ولما رحت اصلي لقيت أماكن الوضوء مجانية وعادي نضيفة وحلوة !!!

بتصدقوا ما شريت كتير ؟؟
مافي شي يسوى يمكن لنو القرية قريبة من بيتي وقلت بروح مرتين و3 وعشرة فما دورت كويس بس غالية ونفس بضاعة العام نفسها كانهم مخزنينها بمخازن وطالوها هلأ مرة تانية .
17-11-1426 هـ, 01:32 مساءً
 
انا بعد بشارك بعاكم ..

..

القريه هذي السنه احلى بوايد عن قبـل

..

للي يبي المواقف القريبه يروح من بدري
يعني من الساعه 4 .. ويكونون توهم فاتحيين .. ومافيه زحمه ابد

وتكلمينهم على راحتك .. ومافيه ازعاج ..

..

وطبعا الدخول للفرد الواحد ب 3 دراهم .. وللعائله 15 درهم ..

وفيه حمامات بفلوس .. ب 3 دراهم .. وفيه ببلاش ..

وماشاء الله المصلى كبيـر وبارد .. ومب ضيق


..

واحلى شي للي يحب الاشياء الرخيصه يروح لهذي القريات

الصينيه .. اليابانييه .. التايلنديه ..

ومن هذيل الدول اللي معروفيين بالصناعه عندهم ..

واشياءهم وايد رخيصــه ومب غاليه وايد ..

تشترين لي تشبعيين ..

..

ومن القريه المصريه اخذنا منهم جلابيات

بس نقصوا في السعر قد ماتقدروون ..

..

والاكسسوارات في القريه الهنديه رخيصه

شي حلق ب 5 دراهم ..

..

وبعد في الامانيه شي محل يبيع اكسسوارات ..

يعني فيه اشياء حلوه بس مب وايد .. واخذ منه حلق بعد ب 5

..

ومن القريه الصينيه فيها شيل ملونه حلوه .. اخذت منهم بعد

..

وبعد اخذنا بخور من القريه الكمبوديه ..

5 تولات ب 100 .. وكاسروا الريال قد ماتقدروون

احنا قال لنا بعطيكم التوله الوحده 30 .. بس ماخليناه ابد

..

وبعد في القريه البحرينييه فيها اجار شي والله

وكل مانروح نشتري من عندهم شي جديد ماشاء الله وايد لذيذ

..

يعني ماشاء الله اشياء وايد ..

بس اكثر شي عجبني القريه التايلنديه

فيها حوسه وايده .. وكلما تدققين تلقين اشياء عجيبه
17-11-1426 هـ, 02:27 مساءً
 


الساعة الآن 03:07 .