مرحبااااااااا


انا شريت من القريه السوووووووووريه بصراااااااحه جلاليبهم حلوووووووووووووه ( طبعا منظر بسسسسسسسس )


بس للاسف

اول ما تحطووونه بالماي يصير اصغر من سمووووول ( يصغر ) والالوااان تسيح على بعضها

صارت الالوان مكس

طبعا استعملتها للمطبخ


القهر اني ما ادري نسيت اي واحد شريت منه الجلابيه
السلام عليكم خواتي...

أنا سرت القرية 6 مرات تقريبا ..

و عن تجربتي .. ببتدي في قرية لبنان ..

لبنان

صابون خان الخليلي روعه .. عنده رؤائح مختلفه للصابون ..
جبل لبنان .. أكبر حرامي يبيع في القرية العالميه .. ليش .. طلبت منه مكدوس .. و قلت له أبغي أجربه .. و عطاني أجربه و عيبني .. لكن يوم رجعت البيت شفته يختلف تماما عن اللي جربته .. والله هذا اللي صار ويايه .. و غير هذا مغلين .. العام غرشة الجبن بعشرين .. والسنه صارت 25 .. و يوم قلتله ليش قال البترول غلا .. وهذا غير النحاسه اللي فيه .. و قال أصلا الجبن يبيعونه في لبنان غالي و أغلى بعد عن اللي ينباع هنيه .. قلت له يعني إنته ألحين خسران .. تخيلوا ضحك .. !!!!

تايلاند ..

أحلى شي الربيان المقلي .. لكن قللوا من كميته .. يعني قبل كان الصحن متروس بعشر .. و الحين أظن 6 أو 7 حبات بس ..

ملح الحليب يوكو شفته عندهم بعد .. و فيه محل عندهم يبيعون فيه بديات وايد حلوه .. تقليد ماركات .. و بعد اكسسوارات تقليد ماركات .. بعد حلوه ..

و طبعا الهمبا (المانجو)و الأناناس ...

اليمن ..

عندهم العسل يجنن .. و أنا صراحه اشتريت كم نوع و كل واحد أحلى عن الثاني ..
و بعد اشتريت الطين للوجه .. يذوب في ماي ورد و ينحط على الويه .. أنا عيبني ..
و فيه خلطه ثانيه للعروس .. اشتريتها بس ما جربتها لين ألحين ..

فلسطين ..

أحلى شي خلطات أم حمزه .. و هيه الوحيده اللي ما ارتفع عندها السعر .. يعني الغرشه ب 20 درهم .. و الله يبارك إلها في الرزق إن شاء الله
خذت منها عدة أشياء ..
لبنه بالزيت .. روعه ..
زعتر.. بعد طعمه وايد حلو ..
فيه خلطه بعد مسمتنها هيه (شوارما) بعد لذيذه..
و لا تفوتكم الشطه اللي عندها .. و قولولها اللي تنحط فوق البرياني .. والله العظيم لذيذه و أنا عن نفسي بخذ منها زياده .. و طبعا كل شي تبون تجربونه تحطه إلكم في خبزه ..

فيه وحده فلبينيه في آخر القرية الفلسطينيه عندها أغلب الأشياء الفلبينيه .. أنا خذت عنها صابون البابايا.. اللي فيه قطع من داخل .. و عندها بعد صابون فيرجينيتي لقبض و شد الرحم .. وصابون مضاد العرق .. و غيره ..

العراق

بس لوحات ..

الكويتيه

عندهم محل إسمه المراسيم .. للعطورات .. عنده عطورات فراش وايد حلوه .. و أنا عن نفسي خذت عطر فراش الورد الطائفي لأني أموت على الورد الطائفي .. و يوم رجعت البيت أمي طلبت مني إني آخذ إلها بعد منه ..

و عندهم بعد الملابس الجاهزة اللي غلى سعرها و ما أدري على شوه ..

قرى أخرى ما أذكر أساميهم

شفت شامبو الحصان مع عدة منتجات لنفس الماركه .. و أنا عن نفسي عندي خبره سيئه مع شامبو الحصان .. سوى لي قشره في حياتي ما شفتها .. و مع إني غيرت الشامبو بس لين الحين القشره باقيه ..

قطر ..

أكثر شي اللي يبيعون عطورات .. و فيه وحده آخر القرية لابسه نقاب .. تقول إنه إسمها دكتوره سحر .. و تبيع حمامات الزيت و حبوب التضييق و غيره .. و تقول إنها دكتوره نفسيه .. ما أدري ليش أنا ما ارتحت إلها .. و حسيت إنها جذابه .. الشي الثاني سألتني شو إسمي و إسم الوالده ؟؟

البحرينيه

شفت الآجار .. و كان خاطري أشتريه .. بس كنت شاله وايد أغراض .. و عقب ما طلعت تذكرت إنه فيه حمالين ..

السعوديه ..

عطورات أكثر شي و إكسسوارات ..

إن شاء الله أكون كفيت ..

لكن إذا تذكرت شي بعد بكتبه.. و شكرا على الموضوع الرائع
اللهم إن أبي رحمني في صغري.. فارحمه تحت الثرى و عند البعث و يوم الحساب


رَبِّ لَا تَـذَرْنِــي فَــرْدًا وَأَنتَ خَـيْـرُ الْــوَارِثِـيـ ـنَ
اقتباس مشاركة  (بنت الامارااااااات)
مرحبااااااااا


انا شريت من القريه السوووووووووريه بصراااااااحه جلاليبهم حلوووووووووووووه ( طبعا منظر بسسسسسسسس )


بس للاسف

اول ما تحطووونه بالماي يصير اصغر من سمووووول ( يصغر ) والالوااان تسيح على بعضها

صارت الالوان مكس

طبعا استعملتها للمطبخ


القهر اني ما ادري نسيت اي واحد شريت منه الجلابيه
معقوله جذه يستوي بالجلابيات

ريلي يايب لي من سوريا تقريبا 10 جلابيات شو بسويبهن شكلهن يبن غسال بخار


[img]http://b3.*******.com/1Qz0p4?r=45bc955[/img]
اقتباس مشاركة  (شـــواخي)
معقوله جذه يستوي بالجلابيات

ريلي يايب لي من سوريا تقريبا 10 جلابيات شو بسويبهن شكلهن يبن غسال بخار

اعتقد لازم تغسلينه ع البخار

انا حطيته بالماي ( قلت اشوي ) وبطلعه

ما دريت
اوبا الظاهر الموديلات الجديدة اقمشتها والكوالتي مب لهناك


الساعة الآن 06:23 .