السلام عليكم
بعطيكم تقريري عن اول زياره
اول شي المكان مرتب اكثر عن العام يعني حاطين الاجنحه في صوب والمطاعم في صوب اول شي جناح الامارات لانه مجابل البوابه رقم 1 حلو بس لين الحين ماكملت المحلات كلها فيه كم محل يبيعون عطور وجلابيات لاباس بها
وجناح لكويت نفس العام 90% من البضاعه معيوده مب يديده وغاليه بعد
وووو جناح السعوديه مثل العام اللي طاف ما تغير شي بس زادو كم محل يبيعون جلابيات مغربيه
الصينيه اكثر جناح مزدحم عندهم اكسسوارات بعد مب يديده
الايطاليه بعد فيها جلابيات هههههه مال ايطاليا امزح.. بس مادري شو يخص الجلابيات في ايطاليا ممممم بس هالاجنحه اللي زرتهم المره اليايه بخبركم عن الباقي
احلا شي الجو والمشي خصوصا الوقت اللي سرنا الها ما فيه زحمه بس حلو مسوين فعاليات ويايبين فرق مسويين جو في المكان بس عاد ماخليت رمسه حق المره اليايه
اسمحولي
احلا وحده

حياج الله

ومشكوره على تقريرج الحلو

وتدرين انا كرهت الكويتيه وايد

مغلين عالفاضى حتى الماركات

ارخص عن جيه

تنوره على 500 تخيلي

والتوب يكون ساده ب 100 او 150

وبالنسبه للقريه الصينيه سامانهم حلو

ورخيص في شنط تقليد في ستاير

انا خذيت الستاير من عندهم

وبعد كفرات الشباري روعه

وما يخترب عالغسل
فعلا الكويتيه وايد غاليه هالسنه
والله ماجذبتن خواتي .. الجناح الكويتي غالي جدا جدا وصادفت واحد من البياعه ماعنده اسلوب للتعامل مع الزباين .. القرية الصينيه مادشيتها ولا الاماراتيه وبعض الاجنحة المره اليايه ان شاء الله .. جلابيات الجناح المصري روعه اشتريت عندهم 3 وفيه غيرهم احلى بعد بس المشكلة الفتحة اللي شو طولها لين الركب ..وخذت بيجامات للاولاد ..
الجناح السعودي .. مثل كل سنه متميز بالعطور والدخون والتمر .. بس شفت كذا محل يبيع قمصان وتنانير بصراحه روعه .. دشيت بعد اليمنيه وخذت عندهم زنجبيل >> الوالده موصتني ..
وجناح اليونان بصراحه عنده ملابس اطفال كششششششششششخه واسعارهم رخيصه وملابس شتوية روعه .. اشتريت عندهم 9 قطع من محل اسمه فاين فير ..
وهذي رحلتنا الاولى للقرية العالمية .. ان شاء الله نكمل باقي الاجنحة المره اليايه ..
ومرحبا الساع ...
السلام عليكم
انا باجر بروح ..........انا الحين ازهب يعني بدور شي ينفع للعرايس

فاذا وحده شافت شي مميز بليز تخبرني .....نصحوني وين اسير


الساعة الآن 10:31 .