طعناتك كفاية الله يسعدك وشكرا لردك المفصل 
بما انو الوالدة تعمله فهل ممكن تسأليها ايش هي البهارات ؟ والحلبة والضميران قد ايش مثلا بالنسبة لكاستين او ثلاث سمن ؟ ولمن احط الزبدة ع النار وتذوب قد ايش اخليها تغلي بالبهارات الي فيها؟ يعني دقايق ولا ربع ساعة مثلا؟ 
01-01-1435 هـ, 01:57 صباحاً
 
سلطانة احمد ربي يجزيكي بالجنة على التفاصيل انا اصلا كنت مو عارفة هو سمن بقر ولاغنم بس انتي جاوبتيني على كثير من اسئلتي. بسألك نفس السؤال الي سألته لطعناتك كفاية: ممكن تعطيني مقادير يعني البهارات قد ايش بالملعقة بالنسبة لكاستين او ثلاث سمن (فرضا)؟ والحجر بعد مايحمى احطه على السمن 
وهو حار ولاانتظر لين يبرد ؟ ومتى اشيله من السمن ؟ بعد ساعة ولا بعد دقايق ؟ 

 انتي من جدة او مكة ؟ 

الف شكر لك ولطعناتك كفاية وللاخوات الي رفعوا الموضوع. لازم نتعاون ونوثق طريقة عمل السمن الطايفي بالمقادير المضبوطة والطريقة المفصلة عشان يبقى مرجع لأي وحدة حابة تعمله بنفسها في البيت .. 
01-01-1435 هـ, 02:05 صباحاً
 
من وين نجيب الضيمران ؟
01-01-1435 هـ, 07:44 مساءً
 
الظميران أو الضميران تلاقيه في المحلات الي في برحة القزاز في الطايف .. أنا ضربت مشوار للطايف اشتريته بس مالقيت حجر المرو 😩
03-01-1435 هـ, 03:18 صباحاً
 
اقتباس مشاركة  (لووولي)
الظميران أو الضميران تلاقيه في المحلات الي في برحة القزاز في الطايف .. أنا ضربت مشوار للطايف اشتريته بس مالقيت حجر المرو 😩
الحجر روحي في بر نظيف صحراء والله يعينك دوري الحجر الابيض اللي يلق من النظافه
03-01-1435 هـ, 05:07 مساءً
 


الساعة الآن 07:05 .