دخلت أسألكم عن شغله فسردت قصة حياتي..أدخلو نستفيد ونفيد

السلام عليكم ورحمة الله وبركاته
أهلا ببنات منتدانا الغالي
أسأل الله أن يرزقنا وإياكم الرزق الحلال ويبارك لنا فيه

طبعا أنا متخرجة من 5سنوات وتخصصي حلو ومرغوب لكن الله ماكتب لي التعيين لحد الآن مع إن جميع صديقات المتخرجات معي وقبلي تعينوا الله يبارك لهم ماشاءالله لكن أثق أن الله سيهئ لي الافضل قد يكون في التعيين شر لنا ونحن لا نعلم ودرت على مدارس أهلية كثيرة وسبحان الله أداوم يوم يومين وبعدها يرفضون يدخلوني موارد مع اني بكالوريوس تربوي لكن لا أعلم مالسبب في هذا التعقيد من المدارس الاهلية لكن قد تكون خيرة ﻷن أفكاري ونظرتي للحياة بدأت تتغير بعد هذا التحطيم المتواصل لمدة 5سنوات مع ان عندي خبرة وعندي دورة دبلوم مكتبي ولاحظت بعض العضوات ينصحون بالعمل بدون راتب بس عشان الخبرة وأنا أنصحكم لا تعملين الا بحسابك ﻷن جربت حتى شركة معروفة كنت اظن اني مستحيل اتركها وكل شهر أطارد ورى الراتب فجلست 3شهور وطلعت وجحدوا حتى حقوقي من خصم التأمينات وبدلات لم تنزل لي وأوفر تايم اشتغلته اجباري ايام العيد القطاع الاهلي يأخذونك لحم ويرمونك عظم
طبعا من هنا بديت أفكر بتفكير آخر إلى متى أنتظر الوظيفة الحكومية ..إلى متى يستغلني القطاع الاهلي ..ليش الاجانب يجون ببلدنا ويطلعون بملايين هل سرقوها مننا؟!! أكيد لا أخذوها برضانا وبتعبهم قبل كل شئ طيب ليش حنا مانتغير اللي بتقول إحراج أقول لها حتى أنا منحرجة ﻷن مجتمعنا كذا يشوف إن اللي تشتغل ما تشتغل الا من الحاجة وهذا شعور يوجع لكن الحمدلله عندنا النت ومواقع التواصل مو شرط يدرون اللي حولك
جلست أبحث في النت لي الآن 6أو 7شهور عشان أطيح على موقع يبيع لي تقليد ماركة لكن كلها غالية ماتنفع ماراح أطلع منه ربح وطحت على موقع صيني وللاسف استعجلت وخسرت 1500ريال وفي النهاية سحب علي البايع طلع موقع وهمي حسبي الله عليهم ومع كذا ماتحطمت واصلت وبحثت وكنت داخلة دورة بالصيف تعرفت على وحدة معي وتكلمنا في هالموضوع تدخل ذهب ماشاءالله لكن قال لت لي انها تعبت الين وصلت لمناديب ومواقع وحسيتها ماتبي تفصح لي مع اني ما سألتها لكن قدرت تعبها ﻷني أنا مجربة التعب وما حبيت أحرج نفسي ومقدرة شعورها وإتكلت على الله ودايم ادعي الاه يدلني حتى طحت على موقع صيني معروف ومشهور لكن لازم البحث عن وسيط ﻷنه يشحن لسكان الصين فقط ولقيت مناديب كلهم يقولون شحن تقليد الماركة صعب القليل يقدرون يشحنوها لكن بالبريد الصيني وهو أغلى لكن ماتحطمت ومازلت أبحث والله يرزقنا من واسع فضله
وبعدها فكرت أغير وأشوف أكثر شئ مرغوب وأبيعه مو شرط ماركة أي وحدة بتبحث عن الرزق بيعطيها الله ومابيضيع تعبها
وكمان فكرت أدرس خصوصي ببيتي لكن منحرجة ومتردده بس قررت أرمي كلام الناس ورى ظهري وأتشجع ﻷنه يكسب ذهب لكن أبيكم تشجعوني ونشجع بعض ليش نعتمد عالوظائف
للعلم ترا ماعندي رأس مال إلا تقريبا ألف ريال من آخر راتب وظيفة اشتغلتها +كم عيدية من أقاربي إحتفظت فيها بس واثقة بإذن الله إنها تتيسر حتى لو بشئ بسيط الله بيفتحها علينا لكن المشكله فينا ))إن الله لا يغير مابقوم حتى يغيروا ما بأنفسهم((

طبعا أنا ما ذكرت قصة حيا تي إلا عشان تستفيدون ونشجع بعض شجعوني وأشجعكم مع اني للعلم للآن مارسيت على بر لكن غيرت أفكاري وأحاول ما يأثر فيني كلام الناس وأول شجاعة إني كتبت بمعرف كثير يعرفونه لكن مايهمني مع اني حاولت اغير معرفي لكن يبي له طولة بال على بال ما أقدر أشارك في المنتدى وأنا ماعندي طولة البال على هذا الشئ






طبعا في البداية دخلت أسألكم هالسؤال :أنا أبي االي تعرف موقع يبيع ساعات رولكس تقليد درجة اولى تدلني عليه

هههه مدري كيف كتبت قصة حياتي وتحمست مع اني داخلة من الجوال لكن شئ جميل خلونا نشجع بعض ونستفيد ونفيد