أخواتي

يت تفيدوني بطريقة عمل مرقة الربيان

وأبي طرررررررريقه مررره حلوووه
ولو فيه بالخطوات


بكون شاكره لكم
يارب ترزق خواتي المتاخرات بالحمل السليم


مسا الورد 
هذي طريقتي ان شالله تعجبك
طبعا حسب نوع الربيان في صغير مره وهذا ينغسل وينطبخ وفي كبير هذا لازم يتنظف وينغسل زين
اول شي اقطع بصل وثوم وفلفل حار شوي وفلفل رومي 
وفطر وبقدونس للتزين

اخذ شوي زيت واكشن البصل مع الثوم والفلفل 
وبعدين اخذ الفطر واحطو والربيان واقلبهم مع بعض خمس دقايق واطفي عليهن
وبهدين اشيل المزيج من القدر واترك الزيت والمرق الي تطلع منه 
بالقدر  او اصفيه عشان اخذ المرقه حقتو 
واضيف لها ملعقتين طحين واحركها واضيف شوي ما ءواحركها وبس تبدا تغلي وتثقل اظيف لها الربيان والفطر وتغلي دقيقتين واطفي النار عشان ما يقسا الربيان ويفقد طعمه 
اسكبها بصحن وازينها بالبقدونس والفلفل الحار

طريقتي التانيه 
بس مو ربيان لوحده معاه سمك فيليه
اغسل ربيان والسمك
اكشن بصل وثوم وفلفل احمسهم بعدين اضيف ربع ليمونه 
والسمك والربيان واقلبهم واضيف لهم بهارات السمك مره لذيذه
واولع الفرن واحطهم بصينيه الفرن واظيف عليهم 
طماطم مطحونه بحيث انها تغطي السمك والربيان ارش رشه ملح بابريكا وكزبره ناشفه وادخلها الفرن وهو حامي 
عشر دقايق لربع ساعه تكون جاهزه 
بس اهم شي الربيان يكون كبير عشان ما يستوي قبل السمك
وتتسبك وتطلع روعه وخصوصي مع الرز الابيض والخبز
الله يجزاكم خير خاطري و خرمسي

وياليت بعد مزيد من الطرق لمرقة الروبيان

اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي".
انا احمي زبدة واقلب فيها شرايح فطر معلب واطلعه ثم اضيف طحين بالتدريج واحرك بسرعة بيتكون كريمة ثم اضيف مويه مغليه شوي واذا احتجت زيادة طحين ذوبته في مويه باردة واضفته واحط ماجي حسب كمية الشوربة انا مااحط مكعب احط ٣ ارباع مكعب واخليه يطبخ لين يتغير قوامه ويثقل وبيتغير لونه شوي للاصفر عشان الزبدة بعدها اضيف الربيان لانه مايحتاج طبخ كثير واخليه شوي ثم اضيف الفطر وشرايح بصل ابيض وفلفل اخضر واخليه يطبخ شوي يمكن ٥ دقايق لان هالشرايح ابيها نص استوى وعلى فكرة انا استخدم موية الربيان المثلجة لما تذوب لان فيها نكهة الربيان واضيفها بداية الطبخ مع الموية وكل مااحتاجت الشوربة مويه ازيدها مويه مغليه لانها تثقل واحيانا تتخثر مع الطبخ ووقت التقديم ازين الوجة بشوي كزبرة مفرومه وارش فلفل اسود.

وصحتين وهنا
جزاكم الله خير


الساعة الآن 08:36 .