المعلبات:
فول - حمص - فاصولياء بيضاء

او النواشف اللي بالكيلو:
المكدوس - الزيتون - خلطة أجبان

او بإمكانك تسوين فطاير مشكلة أو بيتزا

أو تسوين خلطات وتحشين بها الخبر كـ ساندويتش
- خلطة تونة مع كزبرة مفرومة مع مايونيز وشوي طحينة وخيار مقطع صغار وعصير ليمون ورشة ملح وفلفل أسود
- بيض بالزعتر
- جبن وفلفل رومي وكزبرة وزيتون أسود ورشة ملح وفلفل أسود وزيت زيتون
23-12-1434 هـ, 03:52 صباحاً
 
ممكن تسوين كشنة بصل و طماطم وفليفله وتكسرين عليها بيض بدون خفق وترشينه ملح وفلفل اسود وتغطينه ليستوي ووممكن تضيفين شرايح جبن اذا تحبين
23-12-1434 هـ, 04:05 صباحاً
 
سوي شوربه تصلح اذا تحبون عشاء خفيف احلى من النواشف ..
23-12-1434 هـ, 06:39 صباحاً
 
سوي لك جدول للعشا لمده اسبوعين كل يوم نوع والاسبوعين اللي بعده تكررين الجدول هذا اذا عجبك او غيره

ايدام الفاصوليا بالتونه ..سوي كشني بصل وفلفل رومي ثم حطي عليه نص علبه صلصه طماطم ثم علبه تونه ثم فاصوليا وخليه ع النار عشر دقايق..

او عدس او فول اسلقي الفول الافضل مو المعلب حتى يكون اكلك صحي اسلقي كيس فول وحطي باكياس بالفريزر تستفدين منه بالفطور والعشا
بيتزا الفول تاخذين كيس من الفول المسلوق وتسويت له كشنه بصل مع مكعب ماجي وكمون وخليه يتسبك
وسوي كشنه بصل مقطع انصاف ثم حطي له طماطم وفلفل رومي مقطعه انصاف دائره
حطي بصينه بايركس كشنه الطماط والبصل والفلفل ثم فوقهم الفول ثم رشي الوجه بجبنه مبشوره وزيتون اسود واخضر ..
او سلطه خيار خس جزر مبشور فلفل رومي نص حبه طماط بدون اللب بقدونس ذره
زيتون اسود واخضر ومكعبات بطاطس مقليه اخلطيهم سوا وحطي لهم صوص ليمون ملح فلفل دبس رمان زيت زيتون وحطيها بصينيه وزينها بصوص ابيض ورشي عليها حبات رمان وذره.

مصقعه خضار اقلي ٣ بطاطس مقطع مكعبات و٢ حبه باذنجان مقطع مكعبات اقليهم بزيت زيتون اصح وكشني حبه بصل وفلفل رومي ثم نص حبه ماجي ثم ضيفي البطاطس والباذنجان قلبي شوي وضيفي لهم حبه جزر مبشور وخليه شوي ثم ضيفي حبه طماطم مقطعه حلقات وغطيها خليه عشر دقايق وقدميها مع سلطه خضرا
او علبه سلطتونه كشنيهاببصل وفلفل وحشي سندوتشات مع سلطه..
او صينيه فلافل بالفرن ابحثي عنها بالمنتدى طعمها لذيذ..
او شوربه شوفان او شوربه خضار او شوربه عدس او اي نوع تحبيه من الشوربات..
او مكرونه مسلوقه وثم سوي حمسه دجاج مع الخضار واخلطيهم سوا..
او همبرقر بس انتي سويه باللحم او الدجاج لان الهمبرقر الجاهز كله شحوم وبقايا حيوانيه مضره ماعدا الوطنيه..
او صدور دجاج مشويه مع سلطه وثوميه وخبز ماتاخذ وقت طويل
او كباب
اوصينيه خضار بطاطس كوسه باذنجان جزر فلفل رومي بصل ثوم قطعيهن مكعبات عدا البصل شرايح
حطي عليهم م بهار وتقريبا نص كاس زيت زيتون وافركيهم بالخضارباليد وثم ضيفي علبه صلصه وملح وافركيها وغطيها بالقصدير وحطيها بالفرن بعد نص ساعه شيلي القصدير وحركيها وخليها بالفرن حتى تستوي..
او قوراب البطاطس اسلقي حبات بطاطس بالقشر بعد ماتستوي اقسميها نصين شيلي شوي من البطاطس حتى تقدرين تحشينها واحشيها بدجاج مفروم مطبوخ مع بصل وطماط مطحون وكمون وثوم وبهارات ثم رشيها بجبن موازريلا دخليها الفرن حتى تذوب الجينه دقايق بس..


قطع الدجاج المشوي قطعي صدور دجاج يفضل تكون التقطيع حجم متوسط وحطيهم بمقلاه مع زيت زيتون وتملح وتحرك لمده عشر دقايق ثم يضاف لها ربع كوب مويا مع شوي كزبره طازجه مفرومه وم صلصه صويا وم وم ص بهار مشاوي ونص م ص زعتروضيفي للدجاج اذا صارت قطع الدجاج ناشفه وحركي خمس دقايق وبكذا تكون حاهزه تصلح حشوه للسندوتشات او مع مكرونه مسلوقه لذيييذه..

او مصابيب بالبصل الاخضر تصلح بهذا الوقت
اوالبيتزا السريعه العجين كاس دقيق ابيض و٢ م حليب جاف ونص كاس ما وبيضيتين وذره ملح وم جبن سايل
تخلطينهم سوا ثم تبدين تسوينها تصبين بمقلاه كميه وتساوينها ثم تقلبينه وترشين عليه جبن موازريلا ثم طماطم مقطع وزيتون اسود وبصل اخضر وفلفل رومي وتثنينها من المنتصف وتكملين الباقي من العجيين بنفس الطريقه..
قلت لك انواع كثيره لان كثير اقراء هنا محتارين بالعشا وتقدرين تجهزين للعشا وانتي تسوين الغدا اختصار للوقت وحتى مايكون البيت ريحة طبخ مرتين هههه او يوم تسوي طبخ ويوم شي خفيف
..
23-12-1434 هـ, 08:03 صباحاً
 
سوي حمسة بصل وثوم وضيفي مشروم وممكن ذره وضيفي عليه علبة فاصوليا مطبوخه وملعقة صلصة طماطم وملح وفلفل اسود وممكن تضيفين له اعشاب او اوريغانو حسب الرغبه ..

**

اسلقي بطاطس واهرسيه مع ملح وفلفل اسود وضيفي له بازيلا خضرا المعلبه بس لا تخلينها تنهرس كثير ..
حطيه بصينية فرن ورشي عالوجه جبن مبشور ودخلي الصينيه الفرن تتحمر من فوق ..

**

بيض البيتزا وهالطبق احب اسويه سهل ولذيذ ويشبع ..
سوي حمسة بصل وثوم وضيفي عليه طماطم مفروم وشوي صلصه ( احيانا استغني عنهم بصلصة البيتزا الجاهره )
واتركيه يتسبك وكسري البيض بدون لا تحركينه وآخر شي ضيفي له جبن مربعات ( قصصيه بالطول ) وزيتون وفلفل رومي ورشيه بجبن مبشور وغطيه شوي حتى تذوب الجبنه

**

خذي جبن ابيض اللي بالكيلو ملوحه متوسطه او حسب الرغبه قطعيه مربعات مع طماطم وخيار ورشيه بزيت زيتون
اتعب وانا اقول لذيييييييذ

**

اومليت بيض مع الخضار .. او اومليت بيض عادي وبعد ما يستوي حطي بالنص مشروم وجبن مبشور وذره وطبقيهم على بعض بحيث يصير نص دائره واتركيه شوي تذوب الجبنه

**

اشتري الخبز الفرنسي الطويل قطعيه وحطي عليه صلصة البيتزا الجاهزه وزيتون وفلفل رومي وجبن مبشور ودخليه الفرن
وممكن تنوعين بالحشوات مثلا حشوة تونه مع مايونيز او دجاج مسحب مع جبن ومايونيز حسب رغبتكم

**

اشتري دجاج تندوري ماركة نبيل .. لذيذ جدا جدا
اقلي بطاطس حلقات وحطيه بصينية فرن .. ثم اقلي الدجاج وحطيه فوق البطاطس ورشيه باوريغانو وجبن مبشور ودخليه الفرن يتحمر من فوق
23-12-1434 هـ, 08:28 صباحاً
 


الساعة الآن 07:31 .