السلام عليكم ورحمه الله وبركاته

باذن الله راح يكون هالموضوع عن طريق التسويق لمنتجاتك ولنشاطك التجاري عبر تويتر وانستغرام

كنت اريد الحاقه بموضوع ((تجارة الفساتين )) على هذا الرابط

http://forum.hawaaworld.com/showthread.php?t=4005578


ولكن فكرت ان يكون له موضوع مستقل لان اشوف كثيير تاجرات يرغبون بتوسيع تسويق منتجاتهم ومايعرفو كيف وعشان يوصلون للموضوع بسهولة

براي المنتديات قل روادها وماعادت تستهوي الكثير
ماعادا عالم حواء وكم منتدى ان شاء الله من نجاح الى نجاح




لماذا تويتر وانستغرام ؟؟
لاننا نقضي اغلب وقتنا عليها نتصفح ونشوف الجديد واصبحت للكثير اسهل من متابعه المنتديات ..ولازم نستغل هالنقطه وهالبرنامجين.. فهم يعتبرون بوااابة كبيييرة توصلك لالاف الاشخاص
واكيد في برامج ثانيه بس انه هالبرنامجين يعتبرون في الصدارة ..



راح يكون الموضوع مقسم لـ 3 اجزاء ::


1) كيف نسجل بانستغرام وتويتر ؟؟
2) كيف ننشر منتجاتنا ؟؟
3) كيف نحصل على متابعين؟؟
4) نصائح وافكار !!


(( ملاحظه ::راح يكون الشرح من جهاز جالكسي تاب.. وتقريبا نفس الشكل على الايفون.الايباد. الجالكسي))
واستخدمو البرنامج من اجهزتكم لانه اسهل .. اذا بتفتحينه من اللاب مرررة معقد ويمكن تهجين من البرنامج بكبره ))


انتظروني بالرد القادم




اولا انستغرام instagram




فكرة هالبرنامج انو صفحتك مخصصه للصورة وتقدري تكتبي تعليقك على الصورة..
ومتابعينك يقدرون يسوون لك لايك للصورة (يعني اعجاب) ويعلقو على الصورة ..
وتقدري تتحكمي بالتعليقات وتحذفين التعليقات اللي ماتعجبك
وكمان تضيفي ناس وكل مانزلو صور تطلع لك..


يعني باختصار صوري منتجاتك واعرضيها واكتبي تحتها او عليها التفاصيل (السعر. الكمية . الالوان .... الخ حسب رغبتك))
وفي باعلى الصفحه البايو :يعني بياناتك الشخصية يقدر الكل يشوفها
حطي هناك وصف مختصر لنشاطك ..رقمك اللي يتواصلون عليه ...او المعلومات اللي حابة يعرفونها عنك
كمان تقدري تخلي الحساب خاص وتتحكمي مين يقدر يشوف الصورة او لا

اغلب اللي يسوون كذا مثلا بائعات اللانجري يقدرون يخلون حسابات النساء فقط اللي تشوف الصور ..
او اللي تعرض مكياج وتشتغل على نفسها ماتبي رجال بصفحتها .. وكذا..!!


اولا
كيف نسجل بالبرنامج؟؟

1) حملي البرنامج من الماركت
2) افتحيه وبتطلع لك هالصفحه واختاري rigster يعني التسجيل بالبرنامج






3) اتبعي الخطوات على الصورة للتسجيل (( اسم المستخدم اذا رفض يعني ان في احد مستخدمه قبلك .. غيري لين يوافق وتصير الايقونه خضراء ))





4) بعد اتمام التسجيل راح تطلع لك هالصفحه








5) وصف مختصر لصفحة حسابك




ثانيا


كيف ادرج صور في حسابي بانستغرام ؟؟


1) عشان تنزلين صورة روحي للايقونه الخاصة بتنزيل الصورة واتبعي الخطوات التاليه










2) وهنا صارت الصورة بحسابك واي احد مضيفك راح تطلع له صورك او أي احد يدخل حسابك يشوف صورك




3) وهنا كيف تعدلين ملفك الشخصي






ثانيا

تويتر..


طريقة التسجيل نفس انستغرام بالظبط واعذروني مانزلت الشرح بالصور ماسعفني الوقت
ولكن اذا كنتو تبون مررررة وشفت ردودكم نزلت الشرح بالصور

عن نفسي افضل انستغرام اكثر بكثير من تويتر حسيته مهضوم وممتع اكثر )


والان ننتقل للنقط هالاهم


نزلتي صور.. غردتي... كيف يقدرو الناس يوصلون لها!!

او بطريقه اوضح كيف يصيرون لك متابعين كثير.. لان كلما زاد عدد متابعينك كلما انتشرتي وتوسعتي اكثر

في ناس ماشاء الله عدد متابعينهم فوق 100 الف..
تخيلي بظغطه زر وبكل سهولة تعلني عن بضاعتك ل 100الف شخص

حاليا متابعيني 5000 فقط ولكن الحمدلله الزبائن كلما لهم بازدياد..
وطبعا هذا يخليك حريصة ان منتجاتك تطلع بالشكل المثالي ..


اسهل طريقة عشان تخلي متابعينك كثار هي الاتي

اكتبي بالبحث مثلا فساتين..



هنا دخلت حسساب تاجرة



روحي للفلورز تبعها.. يعني الناس اللي تتابعها.. يعني ناس مهتمين بالفساتين وتكونين ضربتي عصفورين بحجر واحد
امسكيهم وسوي اضافه لهم كلهم او اغلبهم



ارجعي ادخلي حساب واحد منهم.. أي حساب عشوائي وبرضو اضيفي المضافين عندهم.. ويلا وكذا واجلسي تضيفي الناس
لان اغلب الاشخاص تسوي اضافه للي يضيفونها


وانتي ماراح تخسري شي بمتابعتهم.. بالعكس كلما مليتي ادخلي وشوفي وش عندهم خخخ


اول ماسويت حسابي جلست اضيف واضيف. لين اضفت فوق ال 2000 وطبعا توقفت عن الاضافه العشوائية صرت اضيف الحسابات اللي تهمني..


ولكن بما ان حسابي تجاري وكثير مهتمين يشوفون الفساتين صارو كل يوم توصلني تقريبا من 10 الى 20 اضافه
وهو شي جددا ممتاز..

والاقي تفاعل على الصور او التغريدات اللي انزلها (( لاحظت ان 80% من الزبائن جاءو عن طريق انستغرام وكثير يفضلوه البرنامج عن تويتر ..ولكن خير وبركه ان تنشرين نفسك في اكثر من برنامج))




الساعة الآن 05:01 .