الله يرزق اخوووك ببنت الحلال الي تسعده 

الله يرزقه ببنت الحلال يارب. ...
روح لدور التحفظ ياحلوهم يهبلون وأخلاق اغلبهم معلمات تحفيظ شوفيهن 
وروحي للجامعات بعد قسم الشريعة والدراسات اذكر يوم ادرس ماشاءالله أشوف بنات جمال واخلاق ودين وحماس للالتزام والدين ... 

المسأله و ما فيها انتم لكم شروطكم و البنات لهم شروطهم و هذا السبب الاول في انكم ما لقيتو طلبكم لان كلا الطرفين عندهم شروط غير قابله للتنازل .
بالنسبة للعباءة رأس او كتف و الله ما تدل على التزام من عدمه كثير بنات يلبسوها من باب التعود او ان المنطقه و العايله كلها كذا و تلاقيها عادي تسمع اغاني و لاهي حافظة قرآن و عايشه حياتها بالطول و العرض
و كثير بنات عباتهم ع الكتف لكن ما يضرها طرحتها واسعه و طويله و منقبه و بعضهم تسدل الطرحه ع النقاب بحيث ما تبان عيونها المسأله مسألة تربية و ادب و اخلاق و التزام حقيقي وليس بالمظهر فقط و راحه شخصيه البعض ما تقدر تتحكم بعباءة الراس بحكم عدم التعود ما تنلام اذا احتشمت بعباءة الكتف و نعرف كلنا ان فيه عبايات ع الراس ضيقه و مخصرة فالعبرة بالاخلاق و التربيه ..
عموما الله يوفقه و يلاقي البنت اللي على مزاجه و يعينكم

الأخت قمه

اللي بدور التحفيظ اغلبهم اجنبيات و هذا شي ما يعيبهم لكن ما يناسبكم

زميلة اختي معلمة قرآن هي عربيه لكن ما بذكر جنسيتها

ادب و اخلاق و جمال و بياض لا قوة الا بالله ما شاء الله تبارك الله مو ناقصها شي و الكامل الله

راعية دين و ربة بيت محترمه .. تزوجت سعودي لكن للاسف عند ابسط خلاف بداية زواجهم

هددها عارفه بإيش ؟ يقولها بكنسل فيزتك و ارحلك لان معروف اللي تتزوج تنتقل كفالتها اجباري على زوجهاا

رغم طيبته معها و رغم كل شي حلو فيها لكن عند اول مشكله عايرها بشيء ماهو عيب فيها لكن عقول الناس ما تدري كيف

لها سنواات متزوجه و عندها عيال لكن تقول ما انسى هذا الجرح

عااادي وشكلكم مطووولين
جلسنا 3 سنين الين ماخطبنا لاخوي
ومواصفاتنا تشبه مواصفاتكم
كان يبغى بنت عبايتها على راسها ومتدينه
على الرغم من انه مو متدين بس كان يبغى وحده تعينه على دينه ..

بس اعتقد اللي معقد الموضوع انكم تبغون من نفس قبيلتكم
هذا اللي اخرنا بصراحه
لان البنات موجودين بس مو نفس القبايل ..
حاولت اقنع الوالد بس مارضي يقتنع لان هذا كان شرط الوالد فعلشان كذا تاخرنا ..
عليكم بالدعاء والله ييسر اموركم ..



مع احترامي كلن حر في شروطه ؟!! ..
يعني يتزوج وحده عبايتها ع الكتف ويجلس في مضاربات معاها ؟
وبالعكس الافضل يدوروله على ملتزمه علشان مايكون فيه اختلاف في الراي ومشاكل ..
وزي البنت ماتتشرط في الوظيفه والبيت والمهر من ابسط حقوقه يبغا وحده عبايتها ع الراس
مو معناته ان اخلاقها احسن من اللي يلبسون عباية كتف ..
بس هو بيرتاح ويشوفها استر وهو حر ..