ماشاء الله تبارك الله

انا مثلك بس اسوي ابحاث عادية مو حق تخرج بس المشكلة ماني لاقية دعم ابدا وهذا محطمني 
ماشاء الله عليك طموووحه ومكافحه الله يرزقك من واسع فضله
انتظريني جايتك ...مطلوب منا بحث السنه الجايه وراح تكوني بأول القائمه
بضيفك بقائمة الاصدقاء عشان ماانسى
الله يزيدك من نعيمه
انا عندي صديقه عندهامجموعه فيامينات لشعرو وتبيض وكريمات وغير ه طلبت مني انها ترسل المنتجات من امريكيا علي اساس ابيعه بس ما عارفه كيف ابدا ياريت احد يقولي كيف
الله يرزقك يا قلبي
بس فعلا ما حسيت انه مشروع هادف لا تزعلي
انتي جالسة تعلمي هالخريجة على التكاسل شلون راح تخلص في عملها و هل راح تكون توظفت بكفائتها بعدين و شلون تتساوى مع غيرها اللي تعب و عمل مشروعه بيده؟
أقول لج قصتي بسبب الفئة المتخاذلة اللي تدفع علشان مشاريعها و انتي احكمي

في سنة ثالثة جامعة
مشروع مادة الثري دي
عبارة عن فيلم نقوم باخراجه و رسمه و مونتاجه من الى ببرامج الثري دي و برامج مونتاج الفيديو
مدرسة المادة ما كانت عندها الكفاءة و لا علمتنا غير الاساسيات و انا احب التميز فتعبت و بحثت و درست و وصلت لمستوى متقدم من البرنامج و جيت عملت ذاك الفيلم أقل ما يقال عنه رائع بشهادة الجميع و يشهد الله كنت أواصل النهار بالليل لأتي شغوفة بمشاريعي و متفوقة و لله الحمد و المنة و بس خلصت الشغل و الله ماكان فيني حيل حتى اروح الجامعة عطيت زوجي المشروع يروح الجامعة و يسلمه

و بعدها كانت المفادأة تفادأت بدرجة متدنية جدا C !!!!!!!!!!!!!!!
شلون
طبعا السكشن كاااااااااااامل بدون استثناءات
كلهم اشتروا مشاريعهم من محلات و مصممين و المدرسة قالت أنا أعرف شنو درستكم و أعرف انه كلكم كذابين و هذا مو شغلكم و رفعت شكوى على السكشن و ادارة الجامعة أقرت انه تعطينا جميعا هالدرجة و قرارات الجامعة نهائية لا نقاش و لا تظلم
شفتي شلون انظلمت و راح تعبي ع الفاضي بسبب ناس ما تتحمل المسؤولية؟؟

الموقف الثاني
سنة رابعة
مشروع التخرج
تعبت تعبت تعبت و ضغطت نفسي علشان أتخرج في 4 سنوات بينما تخصصنا يتطلب 5 سنوات يعني تخرجت قبل دفعتي بسنة
كان مشروعي عبارة عن موقع الكتروني تعليمي موسوعة فيها كل الملتميديا من صور و فيديوات و تقويم عبارة عن لعبة أنا قمت ببرمجتها جدا حلوة

وقت العرض تكرر نفس الموضوع
تفاجأ الدكتور انه جميع الطلبة و الطالبات اشتروا مشاريعهم من طالب في سنة التخرج أيضا
و كانت جميع المشاريع بلا استثناء عبارة عن برنامج تعليمي تمت برمجته بأحد البرامج اللي درسناها و جميع المشاريع نفس التصميم و بنفس التقسيم مع اختلاف موضوع الدرس اللي يتناوله البرنامج !!!!!!!!!!!

و كانت فعلا مصيبة بالنسبة تذكرت تعبي طول ال3 اشهر اللي راحت في البحث و البرمجة و شلون انها راح تضيع في غمضة عين بسبب عدم المسؤولية
و وقفني الدكتور حالي حال هالمستهترين و وقت العرض
و ظل يحقق معي
شنو معتى هذا و شلون برمجتي هالجزئية و من وين جبتي هذا الشي و انا ضبطت اعصابي و جاوبته بشكل مفصل لأني رب البيت أدرى بالذي فيه صح؟ و واثق الخطى يمشي ملكا
و عدا هاليوم العصيب
و نتيجة تعبي كانت A و الحمد لله
طيب و بعدين انتهت الدراسة
و هالطلبة المهملين توظفوا
هل تعتقدين انهم راح يكونوا ذوي كفاءة علشان يدرسوا عيالي و عيالج؟؟؟؟؟؟ علشان يصمموا مناهج أولادنا؟؟؟؟؟؟؟؟ ؟ و قيسي هالشي على باقي التخصصات


الساعة الآن 03:22 .