كل الشكر لكم خواتى ... ما قصرتوا .. وكنت اتمنى القى احد يفهم بالسوق ويصير يساعدني يعنى متى ابيع ومتى اشترى .. بصراحه قريت فى منتديات كثير بس .. مازلت خايفه ودى باحد استشيره .. واثق فيه .. تدرون منتديات الاسهم تخوف كلها اشاعات ..
عموما .. الله يجزاكم كل خير ويجعل اللى كتبتوه وساعدتونى فيه فى ميزان حسناتكم ..

اختى سيدة اعمال مهمه ... ياليت التفاصيل واكون شاكره لك ..
قبل التعامل بالاسهم عليك بالاتي:
1- معرفة الاسهم المباحة الخالية من الرباء.حتى يبارك الله لك في كسبك.
2-اذا تقدرين تصبرين عن المبلغ الي تشتري فيه الاسهم..لاحظي الاسهم الي تنزل وترتفع بسرعه خلا اسبوع خلال شهر واشتري اذا نزلت وبيعي اذا ارتفعت وتقدرين تحضرين بعض الجرائد القديمه لايام واشهر مختلفه وتلاحظين الاسعار.
3- يوجد فروع بعض البنوك تبيع لك بنفس اليوم هذه جيده حتى لونزل السهم مايكون نزل كثير
واذا حابه معلومات اكثر راسليني.
انا في الخدمه دائما..
مشكورات حبيباتى وهذا العشم فى بنات حواء ..
عزيزتى الحلم السرمدى سمرا ... وانا ليش ابى وحده فاهمه عشان ما اقعد اسال كل شوى واتعب وانا وقتى محدود .. لانى موظفه وزوجه وام .. والراتب لاحول ولا قوه الا بالله يطير على الديون والقروض من قبل ما ينزل .. عشان كيذا حابه اشتغل بشى يدخل على مبلغ بسيط اقدر استفيد منه كل شهر ..
ام يوسف ما قصرتى يا بعد عمرى .. والله يجزاك كل خير واتمنى لى تضيفينى على الماسنجر .. ونتفاهم على كل شى .. يعنى عمولتك .. كيف ابدا اشتغل .. ترانى ميييح مره ما اعرف شى ابد
الله يعينك على ويجعل كل اللى تسوينه فى ميزان حسناتك ..
الله يعطيكم خير يابنات حواء ويجزاكم خير ويحرم وجيهكم علي النار وانا معكم
بصراحه لما اشوفكم تساعدون بعض وقلوبنا علي بعض احس الدنيا باقي فيها خير
والله ياام محمد انا مثلك توني في اول الطريق بس غامرت بمبلغ 10000 عشان اتعلم واعرف كيف الطريقه واشتريت في الاسهم وقاعده احاول اتعلم واستفيد واذا تبين مني اي خدمه ابشري
ام يوسف الله يجزاك خير علي تعاونك
اللهم إنا نسألك إيمانًا صادقًا ورزقًا حلالاً، اللهم اكفني بحلالك عن حرامك وبفضلك عمن سواك


الساعة الآن 11:12 .