ولدي ارتبه

تراه مشكله من مشاكل ترتيب المنزل ونظافته الي يشوفه يقول الله يستر على امه تراه يفشل وابوه كل يوم يقول لاعاد تلبسينه هذي البدله مشوهته ولا احول موضوعي للأناقه

من جد الله يعينك
ترى بعض العيال كذا
انا عندي نفس المشكلة مع ولدي بس هو مو قصة مايبان عيه الترتيب
هو مسالة رافض الترويش والغيار والتمشيط كللل شي بالغصب والاكراه وانا والله خايفة اسبب له عقدة يكبر ويكره النطافة والترتيب من كثر حنتنا وهوشنا كل يوم على هالشغلة
بالنسبة لحالتك اقدر افيدك بافكار منها
شعره دايم خليه محلوق بقصة مرتبة تزين من وجهه
ملابسه تخلصي منهن من الجميع لاتخلين عندك غير الكشخة الكشخة بحيث لو لبس اي شي يكون مرتب
وكذلك بالنسبة للاحذية والشرابات
والله يحفظهم ويصلحهم عيالنا وعيال المسلمين اجمعيييين

فيه ملابس تبهت بالبشره مثل الرمادي واحيانا بعض الملابس الرياضيه واكثرالاولاد مايلبس غيرها جيبي له بدل لون اصفرموالصارخ الاخضروالتفاحي حلوه بناطيل جينزالكحلي اولون يناسب القميص رطبي وجهه باي كريم مسحه خفيفه
لانهم مايحبوا الكريم حطيه وقت نومه الحلاقه زي ماقالت اللي قبلي ترتب الشكل ومولازم اللبس يكون غالي علشان يترتب شكله فيه محلات تنسيقهم للملابس حل واسعارهم معقووله وملابسهم مرتبه مثل رد تاغ وسيتي ماكس والله يخليه لك ويصلحه

حبيباتي الله يبارك فيكن ويصلح لنا ولكم انا وابوه ناقشنى الموضوع وراح ياعمري وهوتعبان واشترى له لبس جديد وفعلا راح افضي دولابه وماخلي الا الدخليات والمناشف على فكره الثوب عليه حلو بس ادعوله تراه ملقوف بس في البيت برى البيت مهذب ونظامي.

مثل اخوي وتجنبي الألوان اللي تبهته واولها الزيتي والبني والبيج الغامق تجنبيها نهائي واذا عنده ارميها

لبسيه السكري والأبيض والاصفر الهادي والأخضر الفاتح جدا الهادي والرمادي اللي افتح درجة وبشرط يكون مثلا داخل معاه لون سكري يالبنطلون او البلوزه....

دايما خلي بجاماته وملابسه فاتحه حتى الملابس الرياضية خليه ياخذ الفاتح منها.....

شعره حطي ليمون مع مويه وبخي عليه لابغا يطلع للشمس يخلي شعره كستنائي

وطريقتي مع بنتي للعناية ببشرتها اخليها تتسبح يوم ايه ويوم لا وشاريه لها مناديل تشبز الصفراء اليوم اللي ماتتسبح فيه

امسح رجولها وذرعانها فيه قبل ماتلبس مريول المدرسة واحط على كفوفها ووجهها كريم واقي من الشمس من الصيدليه

في انواع دوري الأنواع الخفيفة اسألي الصيدلي عنها قولي مابي فيها لون ابدا .......

واليوم اللي تتسبح فيه بنتي قبل السبوح بساعتين ادهن جسمها بزيت اللوز مع زيت الجلسرين ....

وعطيه فيتامين مرة باليوم لمدة شهر واقطعيه 4 شهور وارجعي استخدميه شهر وهكذا هاذي الطريقة قالي عليها الدكتور ..........

هاذي عنايتي بطفلتي مشاءالله لونها موحد وجميل ودايما نظيفة واتعودت على هالشي عمرها 8 سنوات .....حببيه في النظافة اذا شفتيه مو غاسل يدينه مثل قولي تدري هالحين مليانات حشرات واشياء صغيره ماتشوفها ولما تاكل تدخل بطنك

واشتريله معقم اليدين عشان يتعود شوي شوي على الاهتمام وتقدير النظافه