صح كلامك وجزاك الله خير على الموضوع،،،

مثل ماقالت الاخت الصبر له حدود

بالامس صلي صلاة الميت على اخت اعرفها مصابة بالسرطان

وانا ارى سبب اصابتها زوجها اللي مايخاف الله فيها ضرب واهانه وظلم وعدم تأدية حقوق
وهي ساكته وصابرة بحسرتها لين جاها السرطان ومااكتشفت المرض الا يام عزى زوجها

هو مات بالجلطة وماكملت سنه بعده ماتت بالسرطان حسرة

حسبي الله ونعم الوكيل
وهذي آخرة الصبر اللي في غير محله تصبر عشان العيال وتعيش النكد في كل لحظة من ح وفي الاخير تروح من هالدنيا وتخلي عيالها لا ام ولا اب


ادري ان كل شي مقدر ومكتوب لكن الصبر على هالاشكال حرام في حق النفس والعيال

الله يرحمها ويسكنها الفردوس الاعلى من الجنه


اما اللي تنصح بالطلاق على مشكله تافهه فهي محاسبه وبكرة تلقاها في نفسها يجي من ينصح زوجها بطلاقها
وكما تدين تدان

برأيي كثرة الشكوى من الزوج بحد ذاتها غلط

مهما كان في صفات سلبية فهو بالنهاية إنسان يصيب ويخطئ

أحيانا الزوجة تكون راسمة في خيالها امور كثيرة لكن بعد الزواج ما تلاقيها فتنصدم ويصير زوجها بنظرها سيء

لكن الزوجة الحكيمة والعاقلة هي اللي تقدر تستوعب زوجها وتحبه بكل ما فيه

وتحب سيئاته قبل حسناته حتى تقدر تغيره للأحسن

في زوجات للأسف مفكرة زوجها عدوها

كل ما صار موقف فتحت النت ودخلت المنتدى وكتبت الشكوى

وكل وحدة تعطيها رأي شكل وعلى رأي المثل : كثرة الطباخين تحرق الطبخة

والمشكلة انه الموضوع يكون مو كثير مستاهل

يعني مثلا مو مخليها تروح مشوار أو ما عاد يدلعها أو أو أو

المفروض المشاكل الزوجية تنحل بين الزوجين

مو أقل شغلة أروح أفتح المنتدى وما أخلي على زوجي شي ؟؟؟

الرجل طفل كبير ما ييجي بالعناد ولا بالندية

ييجي بالاهتمام والحنية صدقوني مهما كانت شخصيته

لهيك في موضوعي عن أسرار السعادة الزوجية أركز على الزوجة انها ما تقصر في حق زوجها

مو بس بالعلاقة الخاصة

الزواج مو علاقة خاصة وبس وإلا صرنا مثل الحيوانات أكرمكم الله

المشاعر والاهتمام واهم شي الاحترام لهم دور كبييييير

صادقه في كل كلمه قلتيها


بعض الردود والنصايح مو بس ودك تردي عليها ودك تفتحي موضوع للعقيب علي ردها


اعوذ بالله بعضها هدامه ماادري هل هي صدق عايشه كذا حياتها مثل ردودها فالله يعين زوجها عليها او انها تبي تطلع حرتها من زوجها علي صاحبه الموضوع وتخرب عليها مع زوجها

الله يهدي الجميع

أستغفر الله الذي لا إله إلاهو الحي القيوم و أتوب إليه