مين تعرف الدكتور علي الابراهيم في الولادة والاطفال بالدمام ً+الطفل المشوهه😢

السلام عليكم ورحمة الله وبركاته 

انا بكرية ومو من سكان الدمام حامل بالشهر الخامس على نهايته يعني كنت اراجع بمنطقة ثانية فترة شهر تقريبا وقالوا لي بالبداية ان البيبي عنده توسع بحجرات الدماغ وفيه بالراس ماء زائد عن الحجم الطبيعي المهم بلعت الضيم وحمدت الله على كل حااااال ودايم استودع الله في طفلي  جيت من منطقتي ورجعت لزوجي بالدمام بعد انتهاء الوحم عندي وراجعتهم الاحد الي طاف وكان نفس الكلام وقالوا لي لازم نحجز لك موعد مع دكتور علي الابراهيم بالولادة كمان هو وجلست اسبوع وانا على اعصابي انواع الاحلام والقلق انا وزوجي وكل واحد يتهرب من الثاني لايشوفه انه يفكر وقلقان صحيح متفائلين خير بس كلامهم مايطمن المهم اعطوني موعد على الاحد الثاني الي هو كان امس ورحت لهم وانا انتظر جاني خووف قوووووي وبردت اطرافي وبس استودع الله وكنت اتصفح مره عالم حواء ومره استغفر واتخيل البيبي واخطط متى اروح اتقضى له الملابس وذي الشغلات 😥😰😪 ونادا الدكتور اسمي وقالي معليش تنتظرين لان انتي راح تطولين هنا زااااااد الخوف 😓 قلت طيب دخل ثنتين قبلي وانا ظهري وبطني اتالم منهم  من كثرة الجلوس لان عندي ورم ليفي بالرحم وماينفع اني اجلس طويل واجهد نفسي واروح افرفر باالاسياب واقدم موعدي لعيادة الدكتورة وفاء الدجاني وارجع وتميت على هالحال لين 10 وربع وانا هناك من الساعه 8 عشرة وربع تمام نادوا اسمي ودخلت  وعرفني بنفسه وتخصصه وسالني اذا كان فيه احد من عائلتي او عائلة زوجي يعاني من اي تشوة خلقي حتى زيادة اصبع قلت لا الحمد لله واساله كثيرة  كثيرة بعدين قالي يالله تفضلي على السرير وسوا لي الاشعه الصوتيه وجلست تقريبا على السرير وهو بس يناظر بذا الشاشة وزاد قلقي انا تعرفون لما تصيرين تتابعين نظرات واحد مره يفرد حواجبه ومره يشدها 😨  هنا وسوست انا وخلاص لساني تلخبط ماعاد عرفت ادعي ولا استغفر نزلت من السرير الي ظليت فيه يمكن اكثر من ساعه الا ربع  ونزلت ومسحت انا والممرضة بطني من الجل وهنا ابتداء الجد .........





قالي انتي اش تعرفين عن الموية الي بالراس وتكلمت معه وقلت له الي اعرف قالي شوفي وجاب لي كتاب وطلع لي ايباده ووراني صور للمخ والدماغ وذي الاشياء اخيرا قالي طفلك فاقد لزيتونة المخ القناة الرابعه الي موجودة بين فصين المخ 😥 مي موجودة خلقة من الله اااااااه  ياربي لطفك وكمان احتمال انو ماعندة فتحة شرج 😥 وانا بس اهز راسي ودموعي غرقت عيوني وتجمدت مكاني حتى ايديني ماعاد قدرت ارفعها الا بعد فتره وقالي انو ممكن انزل النونو وشرح لي انو ممكن ماتبين الاعاقات عندة الا بعد مرور سنتين وممكن يحطون له قصدرة من الراس لين البطن عشان الموية الي براسه وقالي الخيار لك انتي وابوه الدول المجاورة زي الاردن والبحرين وعدد كثير دول في هالحالات ينزلون البيبي وانا قلبي يتقطع كل مااحس بحركته جواااااتي ومتالمة عليه  ياترا تعبان يتالم من هالاشياء الي فيه ولا لا ؟





حبيت افضفض لكم لاني كل ماكلمت امي واختي بس ابكي يادوب فهموا الموضوع ان البيبي فيه هالاشياء 


انا ابيكم تطمنوني وتشورون علي زوجي من البارح مو مستوعب ودي نتكلم بالموضوع بشكل اعمق بس ماودي اضغط عليه قلت اليوم ان صار زين بعد مايصحصح من نومة بحاول افتح الموضوع 


انتوا اش رايكم في احد سمع عن هالدكتور وهل الولادة والاطفال كويسين ولا لا صراحة قلبي مقبوض منهم وافكر اراجع وافتح ملف في العسكري الي بالدمام عسى يطلع كلامهم غير عن الولادة والاطفال
هل فيه احد منكم قالوا لها نفس الكلام وطلع البيبي نتعافي وسالم ادري انه كل باارادة رب الكون امرة كله في كاااااف ونون ودي اتطمن اول حمل لي ومافرحت  به جننوني ومحتارة وراحمته وحالتي حاله 



اللهم لك الحمد حتى يبلغ الحمد منتهاه ولك الشكر يارب 
يارب تطمني على جنيني وتجعله بقدرتك عافي وافي وذكي وتسلم قواه الحركية والذهنيه والعقلسه من كل شر وتشوه يارب اني استودعت فيه فبشرني به سالما معافا وافرح فيه يارب ويارب من دعت لي بظهر الغيب تصلح لها عيالها وتهديهم وترزق من تتمنى الذرية بذرية متعافيه تامة الخلقه والخلق انك على كل شي قدير ياامن امره في كاف ونون بدل حال جنيني الى العافيه يارب 

وصل اللهم وبارك على نبينا محمد 


انتم خوات لي وانا مالي الا الله ثم انتوا اطلع الي بخاطري لكم وافضفض تقبلوا تحياتي 👋😢