شوفي عزيزتي قصتك زي قصتي بحملي هذا

عندي ألم في المبيض الأيسر

ووقت الدورة تأخر بعدين نزل معي دم خفيف فاااااتح

نزل يوم ووقف... اليوم اللي بعده يادوب امسح بالمنديل واشوف خيوط حمرا مع افرازات شفافه تكرمين

قلت اكيد عندي مشكلة في الرحم

وطبعا تو ولدي الصغير عمره 10 شهور ولا استخدم موانع بس عزل

المهم

رحت للدكتورة علمتها الاعراض وسوت تحليل حمل وتحليل غدة وتحليل هرمون الحليب

وبعد النتيجة رجعت لها قالت مافي حمل ومعك غدة وهرمون الحليب مرتفع مررره

وسوت لي منظار من تحت وطلع معي كيس في المبيض الايسر

قالت هذا اللي منع الدورة تنزل

واعطتني علاج للغدة

وعلاج لهرمون الحليب

ونوع من الموانع اسمه (( حلقة نوفا )) عبارة عن حلقة هرمونيه دائرية تحطينها في المهبل وتخلينها ثلاث اسابيع بعدين تشيلينها وتنزل الدورة

اعطتني وقالت خليها اسبوعين ونزليها عشان الدورة تنزل

وتعالي لي بعد 16 يوم

المهم جتني ظروف ورجعت لها بعد 22 يوم

قلت لها الدورة مانزلت

قالت اكيد الكيس كبر وحابس الدم

سوت منظار من تحت وشافت الكيس نزل للرحم وجنبه جنين عمره شهرين ونص...تخيلي

طلع الكيس كيس البويضه...نزلت البويضه وبقي الكيس فوق المبيض وامتلى سوائل وضغط على المبيض سبب لي ألم


هي انربشت وسوت لي تحاليل الحمل واخذت علاجات الحمل وقالت واصلي على علاج الغدة والهرمون

المهم انا شكيت في التحاليل تكون غلط

سافرت لأهلي ورحت مستوصف اتابع وحللت وطلع النتيجة ماعندي غدة ولا هرمون مرتفع

وقفت العلاج

رجعت لها بعد الاجازة اتابع وقلت لها وقفت العلاجات لان مافيني شي واكيد في غلط في التحاليل

وسوت لي ثاني مره تحليل الغدة والهرمون ومافي شي ولله الحمد

والله يحفظ لي جنيني

لذلك لاتحوسين نفسك...اصبري اسبوعين او ثلاثه بعدين روحي حللي دم
ولا تستخدمين اي علاج لين يثبت انك مو حامل

والله ييسر لك ويسهل امورك

الله يطمنكم بالخير 
وي عبير الدكتوره الاولى قالت كيس تبويض جدا صغير
والدكتوره الثانيه قالت تكيس بسيط لايكاد يذكر
ومادري انا وش السالفه بانتظر اسبوع من اليوم واروح احلل مره ثانيه دم
الله يجيب لي ولكم الخير

انتظرى ياقلبي لا تستعجلييين

دام بطنك منفوخه..وانتي بعدك في البدايه...
معناته في شي مو طبيعي....
انا بس في هذا حملي مريت بهالتجربه.تاخرت الدورة
وحللت بعدها بيوم واحد وطلعت حامل..بس بطني انتفخت وايد
والام وهاي اول مرة تصير معي .حملت قبل اربع مرات.ولا انتفاخ ولا الم..الدكتورة قالت عندي كيسين غير كيس الحمل وحاولت تعطيني مثبت .بس الحمدالله رفضت وقلت لها برد لج بعد اسبوعين
وكثرت من شرب الماي وتحللوا لحالهم..وسبحان الله .بطني رجعت صغيره ولا كاني حامل...وحاليا أنا بالخامس وبطني صغيره
المعنى خلك على الطبيعي فترة شهرين على الاقل...وبس..
اشربي ماي بكثرة...وبتتحلل الاكياس
من نفسها اذا كانت صغيره...وسبحان الله لو كنتي حامل..جنينك ما بيتاثر باذن الله.واكيد بعد شهرين بيبان اذا حمل سليم.واذا لا
روحي لدكتورة ثقه.وتعالجي وانتي مطمنه
انه مافي حمل
والله يشغيج ويرزقج..