Analysis Services
  • «
  • 1
  • 2
  • >
  • »
السلام عليكم
أخواتي لاحظت في كل المنتديات التجارية انه الدفع الالكتروني معدوم
يعني الزبون يطلب من تاجر أو تاجرة شلون يدفع
يتبهدل في البنوك و الصرافات و يدفع مبلغ أقل شي 50 ريال للتحويل من بنك لبنك خارجي او 30 لبنك داخلي
و ع الويسترن كلما زاد المبلغ زادت الحوسة و الرسوم
و متى توصل الحوالة
و ساعات البنك يقطع رسوم و يوصل المبلغ ناقص و تتاخر الطلبية أكثر و أكثر
طيب ليش ما نحول لشي أسهل و اسرع نقدر في ثواني نستلم فيه فلوسنا
شلون؟؟
أنا اقول لكم
سامعين عن Paypal?
هو عبارة عن بوابة دفع الكترونية الاغلبية الساحقة من تجار النت في أمريكا و اوروبا يستخدمونها
لانها بوابة دفع موثوقة و مضمونة و آمنة
لو رحتي شريتي من موقع ebay لازم الدفع يكون عن طريقها
و كل تاجر جديد يسجل حساب merchant account يعني حساب تجاري في امكانه انه يرسل و يستقبل الاموال عن طريق باي بال بواسطة بطاقته الائتمانية و يستقبل الاموال و يبيع من كلللللللللللل العالم مو بس على نطاق دولته
و الميزة اللي فيه لحماية الزبون انه التاجر الجديد بعد ما توصله حوالة تكون في حسابه لكنه ما يقدر يسحبها الا بعد مرور 30 يوم و خلال هالفترة في امكان الزبون لو ما استلم طلبه يقدم شكوى عند باي بال و هنا على التاجر انه يقدم دليل الشحن و في حال ما قدمه التاجر و ثبت تلاعبه باي بال ترجع تسحب الفلوس منه و ترجعها للبطاقة الائتمانية للزبون و يا دار ما دخلك شر
و طبعا لغاية 4 أو 5 عمليات بيع أعتقد بعدها ما راح يكون فيه فترة انتظار ابدا لانك راح تصيري تاجرة موثوقة يعني Verified
و دائما قدام الزبون مهلة 30 يوم يقدم فيها اي شكوى لو ما استلم الطلب أو كان فيه أي خلل مع تقديم الاثباتات لضمان حق الطرفين
خلونا نفتح باب النقاش
يا ما عمليات نصب تمت بالآلاف في المنتديات
يا ما صار غش و تلاعب
هالطريقة مو راح تكول حل مناسب يضمن حق الطرفين؟
13-01-1435 هـ, 11:00 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الفكرة حلوة

لكن المشكلة
مو كل العميلات عندهم بطاقة الفيزا وغير كذا يبي لها اشتراك بخدمة المباشر عشان تحول بالنت للفيزا وبعدها يسجلون في الباي بال عشان يحولون لك
بتصير حوسة على اللي تبي تدفع
الكثير راح يفضل تحويل من الصراف وخلاص

لكن من ناحية نصب بعض المنتديات الثانيه والمتلبسات باسم تاجرات فعلا هذي الطريقه تضمن حق المشتري
وشكرا
13-01-1435 هـ, 06:08 مساءً
 
الباي بال معروف من زمااااااان . الحماية للمشتري 45 يوم ليست فقط 30 يوم .. لكن احيانا كثيرة احكامهم في الشكاوي غير منصفة سواء للمشتري او البائع .
و للعلم موقع ايباي هو المالك لموقغ باي بال و لذلك موقع ايباي يتعنت و يفرض قيود علي استخدام وسائل الدفع الاخري علي الموقع
- اخر احصاء من الموقع ان عدد المسجلين حسابات بالباي بال 137 مليون !!!!!
13-01-1435 هـ, 09:31 مساءً
 
اقتباس مشاركة  (**رغـــد**)
الفكرة حلوة

لكن المشكلة
مو كل العميلات عندهم بطاقة الفيزا وغير كذا يبي لها اشتراك بخدمة المباشر عشان تحول بالنت للفيزا وبعدها يسجلون في الباي بال عشان يحولون لك
بتصير حوسة على اللي تبي تدفع
الكثير راح يفضل تحويل من الصراف وخلاص

لكن من ناحية نصب بعض المنتديات الثانيه والمتلبسات باسم تاجرات فعلا هذي الطريقه تضمن حق المشتري
وشكرا
مرحبا رغد
أي شخص يقدر يطلع فيزا نت مو شغلة معقدة
و أي شخص يقدر يسجل اشتراك في باي بال مش مسألة معقدة شغلة دقايق مو أسهل من اني اطلع البنك و ادفع رسوم تحويل
طيب التحويل داخل الدولة الوحدة ممكن 30 - 50 ريال و مجان لو زبونتك في نفس البنك
بس مو شي حلو انه تكون تجارتنا على مستوى عالمي ليش نحصر تفكيرنا داخل المدينة الوحدة و الدولة الوحدة؟
14-01-1435 هـ, 12:00 مساءً
 
اقتباس مشاركة  (kenoz99)
الباي بال معروف من زمااااااان . الحماية للمشتري 45 يوم ليست فقط 30 يوم .. لكن احيانا كثيرة احكامهم في الشكاوي غير منصفة سواء للمشتري او البائع .
و للعلم موقع ايباي هو المالك لموقغ باي بال و لذلك موقع ايباي يتعنت و يفرض قيود علي استخدام وسائل الدفع الاخري علي الموقع
- اخر احصاء من الموقع ان عدد المسجلين حسابات بالباي بال 137 مليون !!!!!
شكرا كنوز نورتي موضوعي
بالنسبة لي اسمحي لي مو ذاكرة كم انتظرت أول ما بدأت أبيع عن طريق باي بال بس ما اعتقد 45 يوم امممم او جايز بعد الذاكرة ميح
بس أول ما بدأت أبيع في اي باي متأكدة انه كانت 21 يوم بس لان البيع على اي باي قوانينه تختلف عن البيع المنفرد
بخصوص احكامهم
و لله الحمد انا اتنصب علي مرتين من سنين و في المرتين رجع لي المبلغ اللي دفعته خلال اسبوعين من فتح الشكوى
الاولى كان المرسل ارسل لي منتجات منتهية الصلاحية
و الثانية البائع ما ارسل لي الطلب نهائيا و ما كان يرد ع الايميلات فهاي الحالات كان واضح فيها الطرف المخطئ

انا ارتاح في استخدام باي بال أكثر بدأت أستخدمه من سنة 2005 و هو من أكثر وسائل الدفع المستخدمة في موقعي
و يسلم لي مرورك يا عسل
14-01-1435 هـ, 12:06 مساءً
 


الساعة الآن 01:39 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏