السلام عليكم بنات ..
الصراحة انا لما شفت القسم هنا تحمست اسوي شي .. لان الواحد يعتمد على الراتب اللي يخلص قبل نهاية الشهر و هذا شي غلط ..
اتفقت مع شركة صينية يجيبون لي اكسسوارات و شنط و اكسسوارات شعر..
طبعاً اول شي قالوا لي الطلب لازم ما يقل عن ثلاث الاف دولار عشان يصير الشحن عليهم .. و انا مامعي هالمبلغ كل اللي معي ثلاث الاف ريال .. فقمت طلبت ان الشحن يصير علي و يرسلون لي البضاعة .. و لقيت بموقع المصانع الصينية اشياء مررة روعة و رخيصة تقريباً ..
و الفكرة كبرت براسي .. صرت افكر افتح لي كشك صغير اكسسوارات في اي سوق بالرياض ..
اسئلتي للتاجرات و الفاهمات و اللي جربوا فقط هي كالتالي ..
1- مضمون توصيل البضاعة الى الرياض .. و كيف استلمها .. خبركم ذولا صينيين و يالله نتفاهم معهم.. لان وحدة من الشركات بالعقد كاتبين انهم بيرسلونه على DHL
2- كيف طريقة الدفع .. البنوك اقدر اروح لهم و ادفع لحساب الشركة بالصين ؟ شي سهل يعني ؟؟
3- بخصوص الكشك .. كم الايجارات و بكم تركيب الستاند و كم حق العامل ..
4- الشحن اللي كاتبينه لي انه سبعه كيلو بـ 154 دولار و الجملة كانت كالتالي
Add the frieght fee
5- كيف اسعر الاشياء .. مثلا خاتم اشتريته بالريال السعودي بريالين .. بكم ببيعه .. اشوف في محلات الاكسسوارات الخواتم اللي مثله مو اقل من 15 او 20 و انواع توصل للثلاثين .. يعني كيف احسب خسارتي و ربحي من خلال الفاتورة المبدئية اللي ارسلوها لي ؟؟ احسب القيمة اللي دفعتها بالاضافة الى الشحن و الزيادة بالمية ؟ تعرفون اول مرة ابيع و اشتري .. يعني كيف احسب النسبة المئوية للربح .. اعذروني تراني عليمية و دارسة ادبي
6- بليز ساعدوني ترا ماعندي احد ولا احد يساعدني و يفهمني من اهلي و من الاقارب كلهم ما يشجعون
7- ان شاء الله لو ساعدتوني ماراح انساكم لاني لقيت بضاعات حلوة .. و بسوي لكم عروض حلوة ان شاء الله ..
09-10-1426 هـ, 02:59 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هاه يابنات ..!!
09-10-1426 هـ, 04:46 مساءً
 
معقولة كلكم ما تعرفون ! قوييييية
10-10-1426 هـ, 04:34 صباحاً
 
اهلين يااختي
انا حابه اسئلك
كيف استدليتي على الشركه وكيف عرفتي بضاعتهم وكيف اتفاهمت معاهم
والله انا ماعندي فكره و***** الله البنات يساعدوكي
بس حبيت اعرف كيف
10-10-1426 هـ, 08:17 صباحاً
 
والله انا ما عندي فكره بالتجارة

بس انتِ لازم تحسبي كل التلكفة اللي تكلفك اياها البضاعة مع الشحن
يعني مثلا لو الخاتم الواحد كان بيكلفك 5 ريالات زيدي عليه والخواتم الحين بالسوق بالرياض ما تقل عن 20 ريال او 15 ريال واللي يجي كريستالاته اغلى واثقل نوعية يصير على 25 ريال او اكثر

وكمان يعتمد هل انتِ بتسوقي عن طريق الانترنت او عن طريق تفتحي محل اذا تفتحي محل احسبي ايجار العامل مثلا وايجار المحل عشان تعرفي كم ربحك بالخاتم او بالاكسسوار اللي تبيعيه

اما ازا كنتي راح تسوقي عن طريق الانترنت فخلي دايما شحن البضاعة للزبونة على حسابها مو على حسابك وتخيري شركة رخيصة بالشحن للبنات عشان يتشجعوا البنات يشرون


ويا ليت البنات اللي عندهم خبرة يفيدوها
10-10-1426 هـ, 06:33 مساءً
 


الساعة الآن 12:59 .