مرحبا رؤم

شوفي اختي

انا مش ضد بنت بلدي بالعكس افتخر ببنت بلدي ولعلمك انا احب اشجع السعوديه في اي مجال

لكن اللي ما احبه هو استغلال السعر لا تقولين الجنسيه الفلانيه تاخذ والناس كابه عليها مالي ومالها اذا بتسوين مثلها اجل اصبري الين تلاقين زباين لك مثلها هي مالقتهم عبث هي صبرت الين لقتهم

لكن تعالي شوفي وحده اسعارها يا سلام عليها بتلاقين عليها العالم كثر

اذا بتقولي خير البلد لبرا اكيد حيكون خير البلد لبرا هم محتاجين هالخير وبذكائهم عرفو اشلون ياخذون هالمبالغ بالسعر الرخيص

لكن تجين ترفعين سعرك وتقولين ابي خير البلد معليش رضيت اعطيها هندي وجعلها صدقه ودفعت بلا عني وعن عيالي

شوفي يارؤم

روحي لاي خياط وشوفي اسعاره واعملي اسعارك نفسها بالتمام واطبعي بروشور ووزعي

وخلي شعارك اسعار خياطين الهنود اسعارنا ووضحي لهم بعض الاسعار وشوفي العالم كيف بتجي عليك

لاتقولين تكاليف محل

لا تقولين سعر خياطه

لا تقولين قيمه مكاين

بشوف عيني رحتلك مشغل ولبنت بلدي يا جعل ربي يسلم راسها يارب ويفتحلها الرزق من اوسع ابوابه

ماقالت ايجار محل ماقالت ديكورات ماقالت رواتب عاملات

عندها عاملات اكثر من 30 وحده بس ايش اسعارها

30 ريال 35 ريال 38 ريال قص شعر استشوار 150 صبغه 15 بودي كير 70 مكياج

تخيلي هالاسعار وثابته ما تقولين وقت المواسم ترفعها بصراحه ما اقتنعت قلت لا هي خطه منها تبي الزباين وبعدين ترفع السعر قالو لا نهائي هي راضيه بالاسعار تقول عاجبني دخلت الزباين علي والعالم من كل مكان يجون

ماشالله اتوقع دخلها في اليوم اكثر 30 الف ريال هذا من غير المواسم تخيلي من شده الزحمه عليها

الله يكتبلها الرزق الوفير يارب


انا من خلال هالانسانه اخذت درس ان السعر الرخيص الناس راح تجيك تجيك غصب لحد يضحك على احد ويقول نبي الغالي ولعلمك لقيت من طبقات راقيه جدا جاين ومن اخر الدنيا عشانه فلم سالتهم غريبه جيتكم لهالمكان يعني احنا متعاملين مع مشاغل توب وراقيه قالو السعر الزين والشغل الزين اكيد بيجيبنا


فتخيلي انتي


انا ابي الخير لك ولاي بنت بلد في بلدها لكن نترك الطمع وبلاش الجنسيات اخذو فلوسنا لبرا اكيد بيخذوها طول ما نتم جالسين على طمع


والله يكتب اللي فيه خير وطالما انت لسى في بدايتك رخصي اسعارك وشوفي والله يوفقك يارب

وفيه طريقه ثانيه اضيفها لك هذي حلوه ولقيت لها جدوى كبير تكسبين الزبون باستمرار تجيك

تخلين لكل وحده رقم عضويه بالكمبيوتر مع اسمها ورقم تلفونها وكل ما خيطت سجليه تحت حساباتها السابقه وبين لزباينك انه في سحب كل ثلاث شهور او كل شهري او كل شهر على زبونه تتعدى قيمه فواتيرها المبلغ الفلاني راح يصير سحب على خياطه مجانا او مثلا خاتم ذهب او احدى الجوائز الكهربائيه وحتشوفي العالم تجلس عندك وانتي اصلا منتي خسرانه لانك ضمنتي زبونه هذا شي الشي الثاني استمراريه هالزبونه وجلب زبون اخر والله يوفقك يارب
10-10-1426 هـ, 06:13 مساءً
 


الساعة الآن 05:42 .