يالله ان تحيي بنات حواء زيون الحلايا
يالله ان تحيي كل من سّير ودخل موضوعي
ياحظكم استانسوا جتكم زهرة تحل البلايا
ياللي ركبتها سودا و ياللي تقول ابي ابيض كوعي
افرحي ياللي تخافين تشوفين نفسك بالمرايا
ماعاد عندنا يمة انا دبة ، يمه ابي شحمن يغطي ضلوعي

ايه تسذا الوحدة تحس بااصطقلاليتها بدال الدوجه والدوران بالحوش
وقصمن أول مرة اكتب وانا احس بالامان حتى خنافري باديتن تقرب لم بعضها

<--- العادة يتصافقن
اول لا كتبت موضوع ورعصت انتر تسني داقتن على حقين الاقامات
شوفوا يا بنات تقولها ومهيب مقتنعه انا وحدتن ربي بلاني بخشة تروع(كارثه فيزيائيه ) بالراحه تدخل موسوعة قنيس للارقام القياسيه لمدة قرن كامل
بس الحين الحمدلله تسني خفيت شوي صرت اروع من اول مرة بس اذا شفتيني مرتن ثانيه بتتعودين
وكله بفضل الله ثمن شجاعتي حيث اني من بلغت وايقنت اني كويحه وانا مابقيت شي ماجربته بهالخشة من ماسكات
ومع الممارسه صرت حريفه مجرد اللمس اعرف وش يناسب بشرتس واللي ما يناسبها
وقلت منيب باخلتن على بنات حواء خلهن يصيرن حلوات مثلي يلقن ويدعن لي
بس اول بعطيتس اجراءات روتينيه قبل كل ماسك
( مستوى الاهميه: كبر براطمي مرتين

1- لا تحطين اي شي على وجهك قبل لا تنظفينه زين لكي يتغلغل في المسام ويجيب نتيجه.

2- الماسكات ما تنحط الا بالكثير 3 مرات بالاسبوع و ما تطول اكثر من 20 دقيقه ونادرا ما تمتد لنص ساعه.

3- افردي الماسك على كل وجهك لكن تجنبي المنطقة المحيطه بالعين لان الجلد في هالمنطقة هو اقل سماكة واكثر حساسيه و يستحب وضع حلقة غير مجوفه من الخيار عليها.

4-تجنبي تحريك عضلات وجهك اثناء وضع الماسك لانك كذا تساهمين في ترهل العضلات من غير ما تدرين بل يستحب الاسترخاء طوال فترة وضع الماسك.

5- التزمي بالمده المحدده للماسك واغسلي وجهك بالماء البارد جيداً و من الاخطاء الشائعه ترك الماء على البشرة لمده بدون تجفيف وهذا يساهم في جرح البشرة لان الماء يتعرض للجفاف بالهوا زيه زي السشوار للشعر و اذا جيتي تنشفين وجهك لا تفركين بل امسحي بطريقه الضغط.

6- اذا وضعتي اي شي على وجهك ضعية على رقبتك حتى لا يتكون مع الوقت فرق بين الوجه والرقبه..


نبدا مع الماسك
وصفه:-

ماسك يشد البشرة و يفتح لونها و يغلق المسام ويعطي إشراقه

المقادير:-

بياض بيضة
1 ملعقة ص عصير ليمون
1 ملعقة ص عصير خيار
1 ملعقة ص عسل

اخلطيهم مع بعض وافرديه على وجهك ورقبتك و لا تحركين اي عضلة بوجهك عشان يجيب نتيجه
حطيه على وجهك و رقبتك لمده ربع ساعه و شوفي الفرق
بنات تراي تعبت ومسكت معي اضيف موضوع
<----- كلشن من راسها مهيب تنقل من دفترها الاخضر
و جربوها تكفون وان ما جابت نتيجه وقصمن لاحطها بنفسي و اصور لكم قبل و بعد هاا وش قلتوا
<---- يقالها اغراء و اثارة و تشويق

براايفت::
ذاك اليوم جربت ماسك بالجزر اقسم بالله يوم شلته تسني محنية خشتي
نقعت وجهي بمويه ساعة و عيا لا يروح خف شوي بس
تحذير::
مهوب كل ماسك يصلح لتس
معليش ترى منيب اعرف احتسي زين بس اهم شي الفايدة
و الماسك اللي عرضت يناسب كل انواع والوان البشرة
بس اذا تجاوبتوا مع الموضوع و وصفت لوحده ماسك لا تجربونه لا ترى يمكن ما يصلحلكن
اوتسيه
وشوووووووكنن

تسلمين ياعيوني على هالنصائح والوصفات الرائعه

جزاك الله كل خير



يعطيتس العافية يا بعدي... منوّره
لا تبطين علينا
نصيحة حلو...

يعطيج العافية...

تسلمين على هذا الموضوع...
مشكورة الله يعطيك العافيه


الساعة الآن 02:15 .