يسعدكم ربي انا القهوه العربيه ماتضبط معاي ابد واي احد يزورني مايشرب كثير تكون مو حلووه مع اني حاولت بكل الطرق اغير من طعمها بس كل مره نفس الشي
حبايب قلبي ياريت تفيدوني و اي وحده تقول طريقته بعمل القهوه العربيه
22-01-1435 هـ, 01:29 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اهم شي في القهوة
1. نوعها وحمستها
افضل نوع البرية
ولازم لازم لازم ماتكون مطحونة ومخزنة
خليه يطحنها قدامك طازه
انا عن نفسي اخذ كميات قليلة واذا خلصت اشتري مرة ثانية
علشان مااضطر اخزنها فترة طويلة لانها تصير هاجرة وطعمها يصير سئ
يعني البن لازم يكون طازج وتوه مطحون اذا كانت قديم والله لو تسوين
ايش ماتسوين علشان تضبطينها ماراح تضبط
2 . مدة طبخها
من الخطأ ان القهوة تنغلي لمدة 5 دقايق
لازم تغلينها لمدة 15 دقيقة يعني ربع ساعة

طريقتي
لكل لتر ملعقتين بن
جيبي البكرج وحطي لتر موية مغلية
وحطي ملعقتين بن
وخليها تغلي ربع ساعة
جيبي ملعقة صغيرة هيل حب غير مطحون وكم حبة مسمار
وشوي زعفران واطحنيهم في النجر
قبل لا تطفين القهوة حطي نص ملعقة صغيرة حليب وشوي من اللي طحنتيه في البكرج وخليه ثواني
حطي باقي اللي طحنتيه في ترمس القهوة وحطي صفاية وصبي قهوتك وقفليها وخليها شوي
وتقهوي بالعافية
ولا تنسين تخبريني بالنتايج
22-01-1435 هـ, 01:41 صباحاً
 
لااله الا الله
القهوووة اساسهااا
ان يكون البن والهيل درجة اولى ممتاز
يعني البن الهرري الحمسة الوسط او الفاتحة ويكون مطحون نااعم
والهيل الهندي هو الافضل
بعدين الطريقة المعتادة البن يغلى مدة ربع ساعة على نار هادية
بعدهاا نضع الهيل وياخذ له غلية ثم نصفيه في الترمس ( الثلاجة )
يمكن اضافاات لهاا ياقرنفل او جنزبيل يازعفران
22-01-1435 هـ, 01:42 صباحاً
 
يسعدكم ربي لله يعطيكم العافيه
22-01-1435 هـ, 01:46 صباحاً
 
ماشاء الله البنات ماقصروا
22-01-1435 هـ, 01:46 صباحاً
 


الساعة الآن 09:39 .