Analysis Services
  • «
  • <
  • 1
  • 2
  • »
ياسلاااااااااااام على القهوه ا وريحتها ممممممممممم
ماقصرو البنات باالردود
22-01-1435 هـ, 01:48 صباحاً
 
اذا الطعم فالمشكله بنوعية القهوه او المطنحه الي تنطحن فيها القهوه

جربي قهوة الخولانى حمسه وسط ويطحنها قدام عينك وتاكدى انه مايستخدم هالمطحنه لشئ ثانى لانه يغير طعم القهوه + هيل فرحانه الهندى وطحنيه نفس الوقت واستخدميه طازج + زعفران الاعماق + شوى حليب بونى
22-01-1435 هـ, 01:50 صباحاً
 
ماني صاحبة قهوه

لكن خذي هذي قهوتنا القصيميه

قهوه هراريه نشتريه بكيسها و نحمصها بالبيت

فيه محمصه كهربائيه خاصه لتحميص القهوه

نحمص القهوه بالكامل تحميص درجه 2 يعني لا نيه

و لا محروقه و ندخلها الفريرز بدون طحن

و خذي المقدار اللي يكفيك أسبوع و أطحنيه طحن خفيف

لا تطحنيها ناعمه لازم طحن خشن يعني تقريباً الطحن

يطلع مثل النسكافيه خشن

و في أبريق الطبخ لكل لتر مويه ملعقتين كبيره قهوه

أحنا نفضلها وسط لا ثقيله ولا خفيفه

خليها تطبخ من عشر إلى 15 دقيقه على نار هاديه

معلومه ،،

إذا قهوتك نيه لا تطبخيها كثير تطلع مره خمس دقائق كافيه

و إذا وسط يبغالها من 10 إلى 15 دقيقه تطبخ

و إذا محروقه كمان لا تطبخ حيل حدها 5 دقائق أو تطلع

قهوه تركيه من ثقلها ومرارتها

بعدها الهيل

الهيل أحنا كمان نخزنه كامل و نطحن منه قبل الأستخدام مباشره

يعني ما نطحنه و نخرنه لا نطحن حاجتنا منه قبل الأستخدام

و الزعفران كمان ضروري في قهوتنا

و فيه أشكال كثيره لخلطات القهوه و منكهاتها تنباع جاهزه

في محلات العطار و المحامص لكن صراحه ما أحبها

كلها كوفي ميت و ملونات

المهم

بعد ما تخلصي طابخه القهوه سكري عليها و خليها بأبريقها

كم دقيقه حتى تهدأ

و جيبي الدله و حطي فيها الهيل و الزعفران و صبي عليها

القهوه و حطي الدله على نار هاديه بس تغلي القهوه

مرتين ثلاثه مع الهيل و الزعفران شيليها من النار

و تكون جاهزه

أو إذا حابه تحطيها بترمس أو براد

بس أفضل الدله عليها

و أن شاء الله تضبط معك
22-01-1435 هـ, 01:57 صباحاً
 
ربي يسعدكم وربي اشتهيت اسوي قهووه
22-01-1435 هـ, 01:57 صباحاً
 
اهم شي حمسة القهوة تكون جديدة
لان الحمسية القديمة والطحن القديم يروح ريحة القهوة وطعمها

والقهوة اللي استخدمها هي الخولانية
22-01-1435 هـ, 07:56 صباحاً
 


الساعة الآن 08:19 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏