~~هناي~~

~~هناي~~ @hnay_7

عضوة جديدة

سبحانك ربي لايعجزك شي قصص جديدة حصلت لي ولنا اعرفهم مع الدعاء والاستغفار

الأسرة والمجتمع

السلام عليكم ورحمة الله وبركاته
كيفكم خواتي بنات عالم حواء 
أسأل الله كل وحده منا بنفسها حاجه ان يقضيها لها ويفرج هم كل وحده منا ويرزق كل واحدة منا ماتتمنى انه ولي ذلك والقادر عليه
قولوا آميييين
موضوعي يابنات يمكن مر عليكم هنا في المنتدى وهو عن قصص الدعاء والاستغفار والصدقه وقيام الليل وكيف ان بعضنا مر بظروف وانفرجت بعد اللجوء إلى الله ومن لنا غيره سبحانه فارج الهم وكاشف الغم 
موضوعي نبي قصص جديدة ومواقف جديدة وكل وحده تحتسبها عند الله ولها الأجر والثواب من الله 
وتعتبرها صدقه عن نفسها وعن المسلمين والمسلمات الاحياء منهم والأموات وتتخيل الأجر من وراء ذلك
المهم 
راح أبدأ انا بمواقف حصلت لي ولناس اعرفهم حولي واللي سمعتها بعد
مرة كان لي موعد مهم وكنت محتاجه اخوي هو يوديني لهالموعد واخوي كان وقتها مداوم ودوامه صعب شوي
المهم كنت ابي اقوم الليل وادعي لكن وقتها علي الدورة وانتم بكرامه فضليت طول الليل ادعي وأكثر التسبيح وقول لاحول ولاقوة إلا بالله واستغفر يعني أكثر من الذكر وادعي من قلب الين جا الصبح وارسلت لاخوي رسالة اسأله هل كلم المسؤولين اللي عنده قال لا لكن بحاول واستمريت ادعي الين الساعة 8 الصبح وارسل له قال ابشرك سمحولي رحت للمسؤول وكلمته وقال له اخوي اخلص المشوار وارجع على طول
وقال روح للمسؤول اللي اكبر يأذن لك 
يقول اخوي لما دخلت وكلمته قام المسؤول وكتب لي ورقة وقال خذ الوقت اللي تبي ومتى تخلص شغلك تعال
الحمد لله خلصت مشواري ومر على خير
 السالفه الثانيه عن وحدة جارة لأهل عمي هي حكت قصتها  هي بنت عندها ظروف امها وابوها الله اعلم انهم متطلقين وامها متزوجة ومخلفه وهي عايشة عند اخوها وظروفها صعبه جد 
تزوجت وتطلقت ودايما تنخطب ومايصير نصيب المهم تقول لزمت الإستغفار بكل وقت وتقول بعد فتره سبحان الله انخطبت وتم زواجها والحين عندها ولد ماشاء الله الله يبارك لها
القصة الثالثة لقريبتي كان عندها سحر وكل ماتنخطب مايتم بدون سبب وتزوجت اختها الصغيرة وزاد همها انخطبت  وتعسرت خطتبها وتوقعت انها ماراح تتم تقول كنت اقوم الليل وادعي واقرأ سورة البقرة واستغفر بكل وقت تقول لساني مايوقف عن الإستغفار وماشاءالله تم زواجها بالرغم من المشاكل والصعوبات ربي يسرها 
والحين ماشاء الله عندها ولد 
مافي شي عسير على رب العالمين القادر سبحانه مايعجزه شي
لاتنسوني يابنات من دعواتكم واذا تذكرت قصه راح اكتبها
الحين دوركم حبيباتي اللي عندها قصه لاتبخل بها
43
9K

يلزم عليك تسجيل الدخول أولًا لكتابة تعليق.

تسجيل دخول

~~هناي~~
~~هناي~~
يامشرفات رجاءً لاتقفلوا الموضوع
ماشاء الله عليكم ماخليتو لنا شي 
هذا اسمه منتدى خلو الناس تستفيد
ناعمه العود1
ناعمه العود1
هذي قصه زوجه خالي انا كنت عايشه عندهم وشفت الأحداث قدام عيوني

خالي يموووت ع زوجته يعشقها ماشاءالله عليهم وعنده منها عيال مات خالي الثاني وكان متزوج وحده من دوله اوربيه من دون ذكر اسم البلده فا جاء خالي الي يحب زوجته يوم شاف الأجنبيه طار عقله والكل ضغط عليه يتزوجها عشان عيال اخوه وهو بنفس الوقت انهبل عليها الأجنبيه ملكه جماااال ماشاءالله وهي مسلمه ودايم متحجبه المهم تغير هو وزوجته 180 درجه
تقول بس احط يدي ع كتفه يصارخ علي ويتنرفز مني معا انه يمووت فيها تقول يوم شفت الوضع كذا والجئ الا الله الواحد الأحد لو رحت عند امي وابوي وش بيسوون لي يقولون اصبري يابنتي ولا رحت شكيت عند الناس اعطوني نظره الشفقه والله يابنات اشوفها كل يوم تصلي وتدعي وتستغفر وتقرا قران وضلت ع هذا الحال سنه كامله وربي يابنات ان زوجها صاااار يكره الأجنبيه هذي واقسم بالله ماغير بس يسب فيها ويشوفها قرررده وع طول سفرها والحين رجع لها احسن من اول
ان شاءالله تكونو فهمتوو لأني ماعرف اسرد سالفه بالكتابه
~~هناي~~
~~هناي~~
ناعمه جزاك الله خير على ذكر قصة خالك
وفعلا والله من لجأ لله ماخاب
يالله يابنات نبي قصص اكثر
ام جمعان 22
ام جمعان 22
بارك الله فيك
n3oooma
n3oooma
ناعمه العود ، انتي قلتي مسلمه كيف يكرهاا ؟ دعاء زوجة حالك باطل اذا تدعي انهه يكرهاا انا ماكذبتك والله بس مستغربه شلون يكرهااا ؟؟؟