يا بنات خفوا على البنت الله يهداكم 

هي مو قصدها تعمل اثم او تسبب ضرر لنفسها 

وانا افهم شعورها جيداً .. فهي شعرت باليأس وقلة الحيلة والتبس عليها الامر في موضوع المعالجة الروحية مدري ايش اسمها !! 


واهي اكيد عرفت غلطتها وما راح تثق ابهالمشعوذين مرة ثانية 

عزيزتي خلينا نتكلم بصراحة عشان نقف على أساس المشكلة .

 ولا استبعد السحر او العين الانه مذكور في القرآن الكريم ولكن الذين يعالجون هذا الامر ناس ثقات وليس اي شخص ممكن تثقين به ابهالموضوع . 
طيب عزيزتي نرجع لمشكلتك .. هل تزوجتي زوجك بدون رضى اهله ؟؟ وكم مدة زواجك ؟؟ 
وهل سبب خلافاتكم هي خيانة مثلاً انك شفتي يكلم بنات في الفيس او ماذا بالضبط 
احنا ما نعرف المشكلة وين بالضبط انتي ما وضحتي غير ان ما يبيك تتدخلي في حياته الخاصة وخصوصياته فقط !!
هل يقصد انك من النوع الشكاك الي تحبين تفتشين وراه وتراقبينه وتتجسسين عليه ؟ 
او من النوع اللحوح وتصري تعرفي ادق التفاصيل في حياته من خرجاته وروحاته واصدقائه وحتى خصوصياته الخاصة . 

نبي نفهم عشان نقدر نساعدك ونعطيك حل صحيح 

انا ملاحظة ان اغلب الي يكتبون مشاكلهم يكتبونها بشكل فضفاض لا يفهم فتكون آراء البنات ما تستفيد منها صاحبة الموضوع الانها اصلاً ما شرحت المشكلة وين بالضبط ؟؟

يعني زوجك قالك بدون اسباب بس على فيس بوك انه يبي ينفصل عنه وكلمته خذيها بالعقل وش يقصد منها ؟ 
اكيد فيه امور احنا ما نعرفها وتراكمات حصلت عشان يفصل قلبه عن عقله ويفكر بالانفصال 

لما نقف على الاسباب اقدر اقولك اذا كان عين او سحر او سبب آخر يتعلق فيك او فيه 


يا اختي انتي اعلم بحل مشكلتك الانك الوحيدة إلي مطلعة على جميع الجوانب الخفية عنا 

واذا كان زوجك من النوع الي يحب تكون العلاقة بينكم فيها خصوصية وحدود احترمي هالشي

كلمة خلنيا نفكر بالعقل ؟؟ وراها 100 سؤال وسؤال ؟؟ ليه قالها

 

الله يفرج همك ويحنن قلب زوجك عليك
ويكفيك شر امه
اما هذي المشعوذة تجعل الايات القرانيه دعايه لها انها تعالج بالقران
واعلمي انه لا يجوز ابطال السحر بالسحر هذا شرك
انما يفك ويبطل السحر بالقران والرقيه الشريعه عليك اخيه
التوبة الى الله لانك سالت هذه العرافه ولوكنت جاهله الان علمت وزال عنك الجهل
وايضا تحصني بالاذكار وعليك بالرقيه وقراءة سورة البقرة يوميا واكثري من الدعاء والالحاح على الله بان
يكفيك شر كل ذي شر ويسخر لك زوجك ويشوفك احلا امراءة ويبعد عنكم المشاكل والطلاق

اكثري من الاستغفار والدعاء وقيام الليل وربك سبحانه ماراح يضيعك