52
69

٢٤

وبالتوفيق لجميع المشاركات
السلام عليكم ورحمة الله وبركاته
كيفكم ياأحلى بنات ؟

بنات بصراحه أبي أفهم وش فيها لو العضوه أرسلت للبنات عشان يصوتوا لها ؟!!
أو نادت بنت عمها أو بنت خالها أو بنت جيرانهم يصوتوا لها ؟!!
أنا أشوف مافيها شي
بالعكس البنت سعت برزقها .. وأكيد الكل يبي يفوز
بس الفوز ماهو جاي لعندك وإنتي منسدحه قدام التلفزيون .. لازم تسعي لنفسك

راح أعطيكم مثال :
طالب تخرج من الجامعه بإمتياز
وطالب تخرج من الجامعه بتقدير جيد جداً
الطالب الأول اللي تخرج بإمتياز جلس بالبيت ويبي الوظيفه تجيه لعنده ومعتمد على معدله العالي ورغم ذلك لم يتوظف
والطالب الثاني اللي تخرج بجيد جداً سعى في رزقه وكلم هذا وكلم هذا لحد ماتوظف
التصويت بهذه المسابقه مثل هذا المثال تماماً

وأنا من سنوات بهذا المنتدى كانت تجيني رسائل يطلبن فيها التصويت وأصوت لهن أو أعتذر منهن لو ماأعجبني
البنت طلبت الفزعه وخلت حرية الإختيار لي أنا .. ماضربتني على يدي عشان أصوت لها
أنا عضوه قديمه هنا .. بس لما دخلت القروب في الواتس شفت بنت خالتي كاتبه رقم تنسيقها وكاتبه هذه العباره :
(( ياحبوبات أنا رقم تنسيقي بمسابقة متجر فانيلا XX اللي حابه تدعمني وأفوز تدخل وتصوت لي
واللي يعجبها تنسيق أخر تصوت له
))

كذا كاتبه في الواتس .. وأعطتهن الحريه ياأما يصوتن لها أو بكيفهن يصوتن لغيرها لو ماأعجبهن تنسيقها
والقروب فيه حوالي 25 بنت .. من صديقات قديمات وصديقات جامعه وجارات وبنات الجارات
والأغلبيه فزعن لها وماقصرن بيضن الوجه .. الله يبيض وجيهن ..
وفيه منهن اللي سجلت بعضويه جديده عشان ماتبي أحد من القروب يعرف أسم عضويتها اللي تشارك فيها
وهذا من حقها مافيها شي ...

وكل متسابقه لها الحق تنادي قريبتها أو جارتها أو أو أو عشان تصوت لها
ولا وش فايدة التصويت لو ماسعت المتسابقه لنفسها عشان البنات يفزعن لها
أنتوا عارفين عالم حواء فيه بعض النفسيات الحسوده اللي ماتبي أحد يفوز ..
هل المتسابقه تعتمد عليهن ؟!!!
لا والله تفزع لنفسها أفضل .. وهذا شي ماهو عيب ولاحرام ولافيه شرط من شروط المسابقه ينص أن ذلك ممنوع
دام إن المتسابقه ماجبرت أحد يصوت لها .. اللي تصوت تجي برضاها ..

أما إنكن تتهموا العضوه المتسابقه بإنها هي اللي سجلت هذا إساءه لها
والإساءه الأكبر تعدت ووصلت للتشهير والسب بأذواق اللي صوتن !!!
شوفوا كم ذنب كسبتوه لما سبيتوا ذوق هذي وذوق هذي
تمنيت توصلوا إعتراضكم بطريقة مهذبه أكثر بدل من السب ببعض الأرقام المشاركه هنا
وبدل السب ببعض الأذواق ..

وبالنهايه ..
أنا سجلت بس عشان أوضح وجهة نظري اللي ماقدرت أوضحها بعضويتي القديمه ..
لأني ماأبي بنت خالتي تعرف عضويتي اللي أشارك فيها
أتمنى لكن التوفيق .
12


الساعة الآن 01:51 .