يامعلمات الطالبات المشاغبات كيف ادخل عليهم نفسيا وجعلهم يحترموني --طالبات الثانوي--

اب

اشغليهم بالقصص واحداث الواقع حاولي تكونين وسط لاشده ولا سهله عشان يحبوك

رفع
وينكم يامعلمات

السلام عليكم

هلا بك اختي

سبق لي التدريس بالمدارس الاهلية بالمرحلتين المتوسط و الثانوي عدة سنوات

من خلال ملاحظتي لقيت ان اصعب فئة يصعب ادارتها المرحلة المتوسطة و خاصة ثاني متوسط

البنت من يوم تطب ثاني متوسط تنقلب كليا اظن بفعل هرمونات النمو

حتى اللي تلقينها عاقلة باولى متوسط تنهبل لا طبت ثاني


بنات الثانوي بالعموم اكثر حياء و استجابة من بنات المتوسط بفعل استقرار هرمونات النمو لديهن و يغلب عليهن الهدوء الا ما رحم ربي

و لأنهن يستحن التصرف التالي ينفع معهن

جيبي رئيسة الشلة اللي تحركهن و اللي يسمعون كلامها و اجرأهن

و اطلبي منها تقابلك في انفراد بالفسحة و احشريها بزاوية و انتن واقفات حتى تكونين مسيطرة على الموقف و تحركين فيها نوازع الخجل مما فعلته

قولي لها يا فلانة بصراحة انت بالذات صدمتيني في تصرفاتك

انت بالذات اللي من اول مرة شفتها قلت هذي العاقلة المؤدبة الذكية بنت الناس

صراحة ما توقعت انك كذا للأسف


و انا اقدر اصعد الموضوع للادارة و استدعي الاهل بس ما ابغى اوصل المسائل لهذي الدرجة لأنكن بالنهاية طالباتي و انا المسؤولة عنكم عشان كذا احزن يوم اشوف وحدة منكم احد يشتكي منها

ابغى كل المعلمات يحترمونكن و ما ابغى احد يجيب سيرتكن و يقلل من قدركن

و رصي عيونك في عيونها و انت تتكلمين تلقينها ما عاد رفعت راسها

حتى بعدين بالفصل تستحي تحط عينها بعينك

صدقيني الكلام على انفراد له مفعول :icon29:

و اذا ما نفع فيه طريقة ثانية

اصبري اكتبها

صادقيهم بعقل , لا تصادقينهم بطريقه تخليهم يستغفلونك
خليك واثقه من نفسك و بطريقه وقوفك وجلوسك وحديثك
أثني عليهم بالأفعال الزينـه و إمدحيهم و حاولي تستغلين طاقتهم الزايده
بإنك تعطينهم أعمال محببـه لهم وتشغلهم عن المشاغبه
حطـي لوحة عقاب أو ورقـه تعلقينها بالفصل , اللي تتكلم بالحصـه أو تشاغب ( تختار ) عقابها بنفسها
وتكونين حاطه مجموعه من الخيارات /
- شرح الدرس القادم
- الوقوف على الجدار أثنـاء ال*** و لمدة 3 ايام
- و هكذاا
ميزه هذا العقـاب أنها هي اللي تختاره مو أنتي , وراح تفكر مليون مره قبل تشاغب في المره القادمه

* أذكر عقاب كانت تسويه مدرستنا , كان حـلو ومو حـلو بنفس الوقـت
كانت تشتري الحلاو ( الحامض ) , في نوع يباع بالبقاله شديد الحموضه وطعمه سيء جداً ينفع للمقالب
و بالطبع محد يبي يمر في هالمقلب لإنه سيء بمعنى الكلمه هههههههههه

كانت اللي تشاغب بالفصل تناديها و تاكل هالحلاوه و كان شكلها مضحك جداً وهي عافطه وجهها من الحموضه
وكان الفصل يضحك و البنت نفسها تضحك و عيونها تدمع من الحموضه هههههههههههههه

كان يعطي جو جميل بالفصل هالموقف و حماس لتكملة الدرس